გამოცემამ Forbes მსოფლიოში ყველაზე ძვირადღირებულ ბრენდად ამერიკული კომპანია Apple ზედიზედ მეექვსედ დაასახელა. კომპანია საგრძნობლად Google-ს, Microsoft-ს და Coca-Cola-ს უსწრებს.

Apple -ის ღირებულება ბოლო ერთ წელიწადში 6%-ით გაიზარდა და 2016 წელს 154,1 მილიარდი დოლარი შეადგინა. ყოველწლიურად კომპანია რეკლამაზე 1,8 მილიარდ დოლარს ხარჯავს.

Forbes-ის ვერსიით მეორე ადგილზეა კომპანია Google. მისი ღირებულება 87%-ით ნაკლებია ვიდრე Apple-ის და 82,5 მილიარდ დოლარს შეადგენს. კომპანიის სარეკლამო ხარჯები ყოველწლიურად 3,2 მილიარდ დოლარს შეადგენს.

მესამე ადგილზე 75,2 მილიარდი დოლარის ღირებულების მქონე ამერიკული კომპანია Microsoft-ია, რომელიც რეკლამაში 1,9 მილიარდ დოლარს ხარჯავს.

ძვირადღირებული ბრენდების ხუთეულში მოხვდნენ Coca-Cola(58,5 მლრდ დოლარი) და Facebook (52,6 მლრდ დოლარი).

რეიტინგის ათეულში შევიდნენ იაპონური კომპანია Toyota (42,1 მლრდ), ამერიკული IBM (41,4 მლრდ), Disney (39,5 მლრდ), McDonald (39,1 მლრდ) და GE (36,7 მლრდ).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას