ახალგაზრდები, რომლებიც დღეს ამ სწავლებას შემოუერთდნენ, არიან საუკეთესო გზავნილი მტრისთვის და მოყვარისთვის, რომ საქართველოში არასოდეს იქნება ხელისუფლება, რომელიც ოკუპაციას შეეგუება, - ამის შესახებ საქართველოს თავდაცვის მინისტრმა თინა ხიდაშელმა ვაზიანის სამხედრო აეროდრომზე ქართულ-ამერიკული სწავლების "ღირსეული პარტნიორის 2016-ის" გახსნის ოფიციალურ ცერემონიალზე სიტყვით გამოსვლისას განაცხადა.

მინისტრის თქმით, საქართველო მყარი ნაბიჯებით მიაბიჯებს ევროატლანტიკური სივრცისკენ.

"ახალაზრდები, რომლებიც დღეს შემოუერთდნენ ამ სწავლებას, არიან საუკეთესო გზავნილი მტრისთვის და მოყვარისთვის, აგრესორისთვის და პარტნიორისთვის, რომ აქ, ამ მიწაზე არასოდეს იქნება ხელისუფლება, რომელიც ოკუპაციას შეეგუება. ჩვენ სამშობლოში, აგრესორს არასოდეს დახვდებიან გაშლილი დროშებით. აქ, ეს თაობა უზრუნველყოფს, იმას, რომ ჩვენი ერვოატლანტიკური არჩევანი, ურყევი იყოს. საქართველო ძალიან მძლავრი, მყარი ნაბიჯებით მიაბიჯებს ევროატლანტიკური სივრცისკენ და არ არსებობს ძალა, რომელიც ამ გზიდან გადაგვახვევინებს", - აღნიშნა თინა ხიდაშელმა.

მისივე თქმით, საქართველო ნატო-ს წევრი აუცილებლად გახდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა