მეჭიაური: არც რუსეთის მონა მინდა ვიყო და არც ამერიკის შეერთებული შტატების

2016-05-10 23:04:46, 545 ნახვა

პოლიტიკა

"არც რუსეთის მონა მინდა ვიყო და არც ამერიკის შეერთებული შტატების" - ასე პასუხობს "ქართული ოცნების" წევრი, თამაზ მეჭიაური, "რესპუბლიკური პარტიის" წევრს, თამარ კორძაიას გადაცემა "არჩევანში".

მეჭიაური აცხადებს, რომ "ჩემთვის ამოსავალი არის ჩემი ქვეყნის ინტერესი, მისი ტერიტორიული მთლიანობა, მისი სარწმუნეობის, ტრადიციულის, ინტერესების დაცვა. დანარჩენი, რომელიმე კავშირში შესვლა თუ რომელიმე სამხედრო ბლოკში შესვლა, არის ჩემთვის საშუალება აი, იმ მიზნის მისაღწევად".

“მე კორექტულობას არასდროს ვუჩიოდი, მაგრამ, როდესაც ისინი თვითონ გადადიან კორექტულობის ზღვარს, თუნდაც ძმები ბერძენიშვილები, მე კიდევაც ძალიან კორექტული ვარ მათ მიმართ იმასთან შედარებით, რასაც ისინი ამბობდნენ ჩემს მიმართ. რაც შეეხება რუსეთზე წისქვილზე წყლის დასხმას, არც რუსეთის მონა მინდა ვიყო და არც რომელიმე სხვა ქვეყნის, თუნდაც ამერიკის შეერთებული შტატების. ჩემთვის ამოსავალი არის ჩემი ქვეყნის ინტერესი, მისი ტერიტორიული მთლიანობა, მისი სარწმუნეობის, ტრადიციულის, ინტერესების დაცვა. დანარჩენი, რომელიმე კავშირში შესვლა თუ რომელიმე სამხედრო ბლოკში შესვლა, არის ჩემთვის საშუალება აი, იმ მიზნის მისაღწევად, რომელზეც მე გითხარით,“ - განაცხადა მეჭიაურმა.