"პოლიტიკურ ბრძოლაში წელს ქვევით დარტყმა მივიღეთ, რადგან ჩვენებმა გვიღალატეს, თუმცა  საპასუხო დარტყმასაც მიიღებენ",-ამის შესახებ  აჭარის უმაღლესი საბჭოს საფინანსო და ეკონომიკურ საკითხთა კომისიის  ყოფილმა ხელმძღვანელ ალექსანდრე ჩიტიშვილმა კოალიქცია "ქართული ცონების" ცენტრალურ ოფისთან ჟურნალისტებს განუცხადა, სადაც პოლიტსაბჭოს სხდომა მიმდინარეობს.

"პრემიერთან ყოველთვის  გვაქვს ხოლმე დაგეგმილი შეხვედრები.  ეს არის სამუშაო შეხვედრა. აჭარის უმაღლეს საბჭოში განვითარებული მოვლენებიც განიხილება. ეს არის პოლიტიკური  ბრძოლა, დემოკრატიის ნიშნებია.  ჩვენ მივიღეთ პოლიტიკურ ბრძოლაში დარტყმა, მაგრამ ეს იყო დარტყმა წელს ქვევით, რადგან ჩვენებმა გვიღალატეს. მიიღებენ საპასუხო დარტყმასაც",-განაცხადა ალექსანდრე ჩიტიშვილმა.

შეგახსენებთ, ოპოზიციამ აჭარის უმაღლესი საბჭოს ვიცე-სპიკერი, დავით ბაციკაძე გადააყენა.
მის თანამდებობიდან გადადგომას მხარი 11-მა დეპუტატმა დაუჭირა.
 პოსტი დაატოვებინეს აჭარის უმაღლესი საბჭოს საფინანსო და ეკონომიკურ საკითხთა კომისიის ხელმძღვანელ ალექსანდრე ჩიტიშვილსაც.
აღსანიშნავია, რომ კენჭისყრაში მონაწილეობა  "თავისუფალი დემოკრატების" წევრებს არ მიუღიათ. "ნაციონალური მოძრაობის" წევრებთან ერთად, ბაციკაძისა და ჩიტიშვილის გადაყენებას მხარი კოალიციის ორმა დეპუტატმა- ჯემალ ფუტკარაძემ და სვეტლანა კუდბამაც დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს