ბოლნისის მუნიციპალიტეტის გამგეობაში საქართველოს სოფლის მეურნეობის მინისტრის მოადგილემ გოჩა ცოფურაშვილმა და შპს „საქართველოს მელიორაციის“ გენერალური დირექტორმა ლევან დვალმა რეგიონის გუბერნატორ პაატა ხიზანაშვილთან და ადგილობრივი მუნიციპალიტეტების ხელმძღვანელებთან მორიგი სამუშაო შეხვედრა გამართეს. 

სოფლის მეურნეობის სამინისტროს ინფორმაციით, რეგიონის საჭიროებების მაქსიმალურად გათვალისწინების მიზნით სოფლის მეურნეობის სამინისტროს შპს „საქართველოს მელიორაციის“ მიერ სამელიორაციო ინფრატსრუქტურის რეაბილიტაცია ადგილობრივ ხელისუფლებებთან მჭიდრო თანამშრომლობით იგეგემება. ამასთან დაკავშირებით შპს „საქართველოს მელიორაციის“ გენერალურმა დირექტორმა, ლევან დვალმა და კომპანიის ქვემო ქართლის რეგიონის დირექტორმა, ზვიად მანდარიამ, შეხვედრის ფარგლებში რეგიონში სამელიორაციო ინფრასტრუქტურის მდგომარეობის და დაგეგმილ პროექტების პრეზენტაცია წარმოადგინეს. 

საქართველოს მელიორაციის გენერალურმა დირექტორმა, მიმდინარე და დაგეგმილ სამუშაოებთან ერთად, ისაუბრა ბოლნისში განსახორციელებელ პროექტზე, რომელიც შემოდგომაზე დაიწყება. მან დამსწრე საზოგადოებას ასევე მიაწოდა ინფორმაცია იმ პროექტების შესახებ, რომელსაც კომპანია საკუთარი ტექნიკითა და ძალებით განახორციელებს. 

როგორც მინისტრის მოადგილემ აღნიშნა: “მელიორაცია ერთ-ერთი განსაკუთრებული მიმართულებაა სოფლის მეურნეობის განვითარების კუთხით. აქტიურად ვმუშაობთ ამ მიმართულებით. დიდი სამუშაოებია ჩატარებული მთლიანად ქვემო ქართლში”. მისი თქმით, მნიშნელოვანია შემდგომში ასოციაციების ჩამოყალიბება.

სამუშაო შეხვედრა კითხვა-პასუხის რეჟიმში მიმდინარეობდა. კომპანიის წარმომადგენლებმა და ქვემო ქართლის მუნიციპალიტეტების გამგებლებმა განიხილეს რეგიონში საირიგაციო სისტემებთან დაკავშირებული მიმდინარე საკითხები. 

ქვემო ქართლის გუბერნატორმა, დადებითად შეაფასა ქვემო ქართლის მხარეში სამელიორაციო სისტემებზე ჩატარებული სარეაბილიტაციო ღონისძიებები და დასძინა, რომ ცენტრალური და ადგილობრივი ხელისუფლების აქტიური თანამშრომლობის შედეგია რეგიონში გაორმაგებული წყალუზრუნველყოფილი ფართობები. 

2012 წლიდან დღემდე ქვემო ქართლის რეგიონში დასრულდა სამელიორაციო ინფრატსრუქტურის 18 სარეაბილიტაციო პროექტი. შედეგად წყალუზრუნველყოფილი მიწის ფართობი 24 500 ჰექტრიდან 43 500 ჰექტრამდეა გაზრდილი. დღეისათვის ქვემო ქართლის რეგიონში სამელიორაციო ობიექტების 6, ხოლო საქართველოს მასშტაბით 25 სარეაბილიტაციო პროექტი მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე- საზოგადოებამ იცის, რა წერია გამჭვირვალობის შესახებ კანონში, ქართველმა ხალხმა ნახა, რომ არაფერი რუსული ამ კანონში არ არის

რიონჰესთან მდინარეში გადავარდნილი მანქანიდან ორი ადამიანის ცხედარი ამოასვენეს

კობახიძე - ქართულმა ოცნებამ მიიღო 1 100 000-ზე მეტი ხმა, რითაც ქართველმა ხალხმა დაადასტურა, რომ თავიდან ბოლომდე მხარს უჭერს ჩვენს კურსს

კობახიძე - ვიღაცას თუ სურს, რაიმე შეცვალოს საქართველოს ქცევაში, უნდა გველაპარაკოს ჩვენ