„აუდიტორია 115“-ის წევრი სტუდენტების განცხადებით, საქართველოს პრემიერ-მინისტრს ყველა იმ თემაზე ესაუბრნენ, რაზეც პასუხების მიღება სურდათ.

როგორც სტუდენტური მოძრაობის წარმომადგენელმა აღნიშნა, შეხვედრა პოზიტიური იყო და პრემიერმა სტუდენტების მოკლევადიანი გეგმის შესრულებაზე პასუხისმგებლობა აიღო.

„შეხვედრა იყო ძალიან პოზიტიური. პრემიერმა აიღო პასუხისმგებლობა, რომ ჩვენი მოკლევადიანი გეგმების განხორციელება დაიწყება. ცხადია, დისკუსიების ფონზე, მაგრამ დაიწყება.   ჩვენი ერთ-ერთი მოთხოვნა იყო, რომ რექტორის მოვალეობის შემსრულებელს აღარ ჰქონდეს რექტორად კენჭისყრის უფლება. პოზიტიური განწყობა არსებობს.  უბრალოდ, პრემიერ-მინისტრმა გვითხრა, რომ მარტო ჩვენ არ ვართ, სხვებიც არსებობენ, მათაც უნდა შევუთანხმოთო. ჩვენ არ ვართ წინააღმდეგი, რომ მან ცალკე დისკუსია აწარმოოს“, - განაცხადა „აუდიტორია 115“-ის წარმომადგენლემა, ლევან ლორთქიფანიძემ.

„აუდიტორია 115“-ის წევრებმა თავიანთ გრძელვადიან გეგმებზეც ისაუბრეს და განაცხადეს, რომ მათ სურთ, უნივერსიტეტში სწავლის ხარისხის გაზრდა.  მათი თქმით, პრემიერი მზად არის, ამ მიზნით პლატფორმა შექმნას.

კიდევ ერთი საკითხი, რაზეც სტუდენტები გიორგი კვირიკაშვილს ესაუბრნენ, შეეხებოდა ე.წ. ოდეერების  საკითხს. მათ პრემიერს მიაწოდეს ინფორმაცია სპეცსამსახურების მხრიდან სტუდენტების ოჯახების დაშინებასთან დაკავშირებით.

„მივაწოდეთ  პრემიერს ინფორმაცია, რომ ჩემს ოჯახს და ჩემი მეგობრების ოჯახებს უშიშროების სამსახურის თანამშრომლები აშინებენ,  გარკვეულ ზეწოლას ახდენენ მათზე. პრემიერ-მინისტრმა თქვა, რომ შეიძლება მართლა არსებობდეს მსგავსი სახის შემთხვევები, რასაც ვერ გამორიცხავს, რადგან სტრუქტურის რეფორმირება ახლა ხდება. ის დაგვპირდა, რომ ყველანაირად შეეცდება, ასეთი მოქმედებები აღარ განხორციელდეს და ჩვენს ოჯახებს აღარ აშინებდნენ უშიშროების სამსახურის წარმომადგენლები“, - განაცხადა "აუდიტორია 115"-ის კიდევ ერთმა წარმომადგენელმა, ნათია ქარჩილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“

2 წელიწადში პირველად, სებ-მა რეფინანსირების განაკვეთი გაზარდა - 8.25%-მდე

დიუშენის დაავადების მქონე ბავშვების მშობლებს ივანიშვილის საცხოვრებელ სახლთან აქციის გამართვის უფლება არ მიეცათ

ჟურნალისტი, ელისო ჯარიაშვილი გურამ როგავაზე თავდამსხმელის შესახებ საგამოძიებო რეპორტაჟის მომზადების შემდეგ, გამოკითხვაზე დაიბარეს