დღევანდელ შეხვედრაზე გადაწყდა, რომ შეიქმნება პლატფორმა, რომელშიც გაწევრიანებული იქნებიან პროფესორ-მასწავლებლებიც და სტუდენტებიც, - ამის შესახებ განათლებისა და მეცნიერების მინისტრმა თამარ სანიკიძემ „აუდიტორია 115“-ის წევრებთან შეხვედრის დასრულების შემდეგ განაცხადა.

განათლების მინისტრის ინფორმაციით, პლატფორმის წევრები აქტუალურ საკითხებზე იმსჯელებენ და ანალიზებსაც გააკეთებენ.

„ძალიან საინტერესო და შინაარსიანი შეხვედრა იყო. შეთახნმება შედგა იმასთან დაკავშირებით, რომ ჩვენ ვიზრუნებთ პლატფორმის შექმნაზე, სადაც შესაძლებელი იქნება ამ და კიდევ ბევრი სხვა საკითხის  განხილვა, სადაც ჩართულები იქნებიან, როგორც პროფესორ-მასწავლებლები, ისე სტუდენტები. ეს პლატფორმა იარსებებებს მუდმივად, სადაც მოხდება აზრთა გაცვლა, დაგეგმვა, გარკვეული ანალიზის გაკეთება და ა.შ. რაც შეეხება იმ მიმდინარე საკითხებს, რომლებიც ამ ეტაპზე გადასაწყვეტია, შევთანხმდით დაახლოებით ფორმატზე, მაგრამ აუცილებლად ამაზე საბოლოოდ უკვე ვიტყვით, როდესაც სტუდენტების სხვა მხარესაც შევხვდებით. აუცილებლად პრემიერიც შეხვდება მათ“, - განაცხადა თამარ სანიკიძემ.

გარდა ამისა, განათლების მინისტრი ვარაუდობს, რომ კონსესუსი შეიძლება შედგეს იმ პუნქტებზე, რომელზეც ყველა თანხმდება.

შეგახსენებთ, რომ „აუდიტორია 115“-ის წევრები მთავრობის ადმინისტრაციაში პრემიერ- მინისტრ გიორგი კვირიკაშვილს და განაგთლებისა და მეცნიერების მინისტრ თამარ სანიკიძეს შეხვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი