სასჯელაღსრულებისა და პრობაციის სამინისტროს თავისუფლების შეზღუდვის დაწესებულებას საქართველოში ვიზიტით მყოფი ვისკონსინის შტატის პენიტენციური დეპარტამენტის დელეგაცია ესტუმრა.

როგორც „ექსპრესნიუსს“ სასჯელაღსრულებისა და პრობაციის სამინისტროდან აცნობეს, სტუმრებმა დაათვალიერეს დაწესებულების ტერიტორიაზე არსებული ინფრასტრუქტურა, ხის საამქრო, მაკარონისა და პურის საწარმოები,  სამედიცინო პუნქტი, სპორტული დარბაზი და  სასადილო.

უწყების ინფორმაციით,  დელეგაციის წევრები გაეცნენ  მსჯავრდებულთა საცხოვრებელ პირობებს და თავისუფლებაშეზღუდულ პირებს გაესაუბრნენ.

ვისკონსინის შტატის  პენიტენციური დეპარტამენტის წარმომადგენლები  დაინტერესდნენ  იმ საგანმანათლებლო  და პროფესიული სწავლების პროგრამებით, რომელიც თავისუფლების შეზღუდვის დაწესებულებაშია დანერგილი. 

როგორც ვისკონსინის შტატის ერთ-ერთი დაწესებულების  დირექტორის მოადგილემ,  ჯეისონ ბენზელმა აღნიშნა, თავისუფლების შეზღუდვის დაწესებულების  ანალოგი აშშ-ში არ არსებობს.

„არაჩვეულებრივია, რაც აქ ვნახეთ:  პურის საცხობი, მაკარონის საწარმო, ხის საამქრო, სხვადასხვა საგანმანათლებლო და პროფესიული გადამზადების კურსები. მიმაჩნია, რომ  ასეთი დაწესებულება თავისი დაბალი უსაფრთხოების ზომებით, არაჩვეულებრივი საშუალებაა მსჯავრებულთა გათავისუფლებისათვის მოსამზადებლად და საზოგადოებაში სრულუფლებიან წევრებად დასაბრუნებლად,“ - განაცხადა ჯეისონ ბენზელმა.

პრობაციის ეროვნული სააგენტოს უფროსის მოადგილის,  თემურ მაღრაძის განცხადებით,  აშშ-ს დელეგაციამ დადებითად შეაფასა თავისუფლების შეზღუდვის დაწესებულების საქმიანობა და მხარდაჭრა გამოხატა იმ პროექტებისადმი, რომელიც დაწესებულებაში ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“

2 წელიწადში პირველად, სებ-მა რეფინანსირების განაკვეთი გაზარდა - 8.25%-მდე

დიუშენის დაავადების მქონე ბავშვების მშობლებს ივანიშვილის საცხოვრებელ სახლთან აქციის გამართვის უფლება არ მიეცათ

ჟურნალისტი, ელისო ჯარიაშვილი გურამ როგავაზე თავდამსხმელის შესახებ საგამოძიებო რეპორტაჟის მომზადების შემდეგ, გამოკითხვაზე დაიბარეს