თბილისის სახელმწიფო უნივერსიტეტის მე-6 კორპუსთან მიმდინარე აქციაზე რექტორის მოვალეობის შემსრულებელი ვლადიმერ პაპავა მივიდა.

პაპავა ადგილზე არსებულ ვითარებას გაეცნო და განაცხადა, რომ პროტესტის ეს ფორმა მისთვის მიუღებელია.

„მე მოვედი ამბის გასაგებად, რა ხდება, რა მოთხოვნები აქვთ კონკრეტულად. მათი მოთხოვნების ნაწილი ჩვენთვის ცნობილი იყო ჯერ კიდევ ერთი თვის წინ, მაგრამ, როდესაც უნივერსიტეტში დაიწყო ეს აქცია, რექტორი უნდა მოსულიყო და უშუალოდ ადგილზე დალაპარაკებოდა სტუდენტებს. მათ აქვთ თავიანთი მოთხოვნები და ისინი აცნობიერებენ, რომ ლექციების გაცდენა პრობლემაა და ეს ფორმა ჩემთვისაც მიუღებელია. მათ აქვთ თავიანთი მოთხოვნები. მე შევეცდები მთავრობას მივაწოდო ინფორმაცია და ჰქონდეთ შესაბამისი რეაქცია. სტუდენტებს ყოველთვის აქვთ უფლება მოითხოვონო, ეს ჩვეულებრივი ამბავია. ისინი ჩვენი მოქალაქეები არიან, განათლების სფერო მათთვის არის მნიშვნელოვანი და მათ აქვთ უფლება მოითხოვონ, უბრალოდ კორპუსი დაიკეტა და ლექციები არ ტარდება, სხვა სტუდენტებს ეშლებათ ხელი, მე ეს არ მომწონს როგორც რექტორს, როგორც პროფესორს“, - აღნიშნა პაპავამ.

რაც შეეხება სტუდენტების მოთხოვნას პრემიერ-მინისტრთან შეხვედრის თაობაზე, როგორც პაპავამ აღნიშნა, პრემიერი სტუდენტების მოთხოვნებს უნდა გამოეხმაუროს.

„მე ამას ვერ გეტყვით, ეს პრემიერ-მინისტრის გადასაწყვეტია. მაგრამ რა თქმა უნდა თუ ის მიიღებს გადაწყვეტილებას, რომ გამოეხმაუროს სტუდენტებს, გამოხმაურების ფორმა თავად უნდა შეარჩიოს ეს იქნება განცხადება, თუ ადგილზე მისვლა, მაგრამ ვფიქრობ, რომ მას ეს გასაკეთებელი აქვს“, - განაცხადა პაპავამ.

ცნობისთვის თსუ-ს მე-6 კორპუსის შენობის კარი შიგნიდან არის აჭედილი. ამჟამად ”აუდიტორია 115”-ის სტუდენტების აქციის გამო, თბილისის სახელმწიფო უნივერსიტეტის მე-6 კორპუსში სწავლის პროცესი შეფერხებულია. სტუდენტები პრემიერ-მინისტრ გიორგი კვირიკაშვილის მისვლას ითხოვენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია