2026-11-12 16:28:06, 611 ნახვა

---

ეპისკოპოსი გიორგი ჯამდელიანი - მივმართავ ლაშა ნაცვლიშვილს, საჯაროდ მოიხადოს ბოდიში და შენდობა ითხოვოს მეუფე იობის წინაშე

მივმართავ ლაშა ნაცვლიშვილს, საჯაროდ მოიხადოს ბოდიში და შენდობა ითხოვოს მეუფე იობის წინაშე! - ამის შესახებ მარნეულისა და ჰუჯაბის ეპისკოპოსი გიორგი ჯამდელიანი სოციალურ ქსელში წერს.

„მივმართავ ლაშა ნაცვლიშვილს, საჯაროდ მოიხადოს ბოდიში და შენდობა ითხოვოს მეუფე იობის წინაშე!

სასულიერო პირის შეურაცხყოფა, მითუმეტეს მაღალიერარქის, ვერ ჩაჯდება გამოხატვის თავისუფლების ფარგლებში. თქვენი სიტყვებისათვის პასუხისმგებლობა უნდა აიღოთ, ნუ დაიგროვებთ თქვენს თავზე ნაკვერჩხლებს!” - წერს მეუფე გიორგი ჯამდელიანი.

 10 ნოემბერს გავრცელებულ ქადაგებაში რუის-ურბნისის მიტროპოლიტმა განაცხადა, რომ მოქმედი ხელისუფლება ურწმუნო და არაეკლესიურია. მან ასევე გააკრიტიკა სასულიერო პირები და აღნიშნა, რომ მათი უმრავლესობა თანამდებობის პირებს დაემსგავსა.

 ქადაგების გამოქვეყნების შემდეგ, ტელეკომპანია „პოსტივის“ (POSTV) დამფუძნებელმა ლაშა ნაცვლიშვილმა სოციალურ ქსელში მიტროპოლიტ იობის მისამართით უცენზურო და შეურაცხმყოფელი პოსტი გამოაქვეყნა. 

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი