2026-11-12 16:25:01, 608 ნახვა

---

ხვიჩა კვარაცხელია - მერაბ, საბა, მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი

ლაჩრულად, უკანიდან მოპარვით და უთანასწოროდ შეეცადნენ თქვენს დაჩაგვრას. კაცები ასე არ იქცევიან. რა თქმა უნდა, ეს არ გამოუვიდათ და ქართველებთან არც არასდროს გამოუვათ, - ასე ეხმაურება ქართველი ფეხბურთელი ხვიჩა კვარაცხელია სოციალურ ქსელში აბუ-დაბიში UFC-ის ქართველ მებრძოლზე, მერაბ დვალიშვილზე განხორციელებულ თავდასხმას.

„მერაბ, საბა, მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი, განსხვავებით იმათგან, ვინც ლაჩრულად, უკანიდან მოპარვით და უთანასწოროდ შეეცადნენ თქვენს დაჩაგვრას. კაცები ასე არ იქცევიან და რა თქმა უნდა, ეს არ გამოუვიდათ და ქართველებთან არც არასდროს გამოუვათ“, - წერს ხვიჩა კვარაცხელია.

აბუ-დაბიში მერაბ დვალიშვილს უსმან ნურმაგომედოვი და მისი მეგობრები თავს დაესხნენ. ამის შესახებ თავად UFC-ის ქართველი მებრძოლი ამბობს ვიდეოში, რომელიც ინსტაგრამზე გამოაქვეყნა. 

დვალიშვილის თქმით, ის ინტერვიუს აძლევდა მედიას, როცა უსმან ნურმაგომედოვი, მის მეგობრებთან ერთად უკნიდან მიეპარნენ და ცემა დაუწყეს.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი