საქართველოს ეროვნული ბანკის პრეზიდენტი ნათია თურნავა აცხადებს, რომ მზადაა გამოძიების ყველა შეკითხვას გასცეს პასუხი ეროვნული ბანკის საბჭოს ყოფილი წევრის ნანა ყეინიშვილის საქმეზე, თუმცა ჯერჯერობით პროკურატურას მისთვის არ მიუმართავს.

9 ნოემბერს, - გამოძიების დაწყებიდან ზუსტად ერთი თვის თავზე, - ნათია თურნავა კიდევ ერთხელ გამოეხმაურა ნანა ყეინიშვილის წინააღმდეგ გამოძიების დაწყებას, - რაც რადიო თავისუფლების ჟურნალისტურ გამოძიებას მოჰყვა, - და თქვა:

„მინდა დაგიდასტუროთ, რომ თუკი ვინმე არის დაინტერესებული იმით, რომ დროულად გაირკვეს სიმართლე, ეს არის, პირველ რიგში, ეროვნული ბანკი, ჩვენი ბორდი და პირადად მე იმიტომ, რომ ჩვენი რეპუტაციული სტანდარტი არის საკმაოდ მაღალი“, - განაცხადა მან.

„როგორც კი ხელთ მოგროვდა საჩივრები და საეჭვო ფაქტები, თავად ჩვენი ინიციატივით გადავაგზავნეთ ეს სამართალდამცავ ორგანოებში, პროკურატურაში, სადაც აღიძრა საქმე. ეს გავაკეთეთ ბევრად ადრე, ვიდრე ეს ფაქტები საჯარო გახდებოდა“, - თქვა ნათია თურნავამ.

„თუ ამ პროცესში საჭირო იქნება რაიმე დამატებითი დოკუმენტაციის მიწოდება გამოძიებისთვის, ან კითხვებზე პასუხის გაცემა, ნებისმიერი ჩვენგანი, ისევე როგორც ნებისმიერი საჯარო მოხელე, ვალდებულები ვართ ვითანამშრომლოთ და მეც პირადად ყველა კითხვას გავცემ პასუხს, თუ ასეთი იქნება. ჯერჯერობით არ მოუმართავთ“, - განაცხადა სების პრეზიდენტმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია

AI სტიპენდია გოგოებისთვის - გახდი საქართველოს ბანკის სტიპენდიატი და ისწავლე ხელოვნური ინტელექტი 10 პროფესიულ აკადემიაში სრული დაფინანსებით