პაველ ჰერჩინსკი - ყველა ოპოზიციური პარტიის აკრძალვის მცდელობა, ევროპული საბჭოს ისტორიაში უპრეცედენტო შემთხვევა იქნებოდა

2026-11-04 21:00:18, 1956 ნახვა

პოლიტიკა

ყველა ოპოზიციური პარტიის აკრძალვის მცდელობა, რომლებმაც საპარლამენტო ზღვარი გადალახეს წინა საპარლამენტო არჩევნების დროს, უპრეცედენტო იქნება ევროპის საბჭოს ისტორიაში. ამის შესახებ საქართველოში ევროკავშირის ელჩმა, პაველ ჰერჩინსკიმ პრესკონფერენციაზე განაცხადა.

„ყველა იმ ოპოზიციური პარტიის აკრძალვის მცდელობა, რომლებმაც წინა საპარლამენტო არჩევნებზე საარჩევნო ბარიერი გადალახეს – მათ შორის იმ პარტიისა, რომელიც ამჟამად პარლამენტშია წარმოდგენილი – ევროპული საბჭოს ისტორიაში უპრეცედენტო შემთხვევა იქნებოდა“, – განაცხადა ელჩმა პაველ ჰერჩინსკიმ.

მან ასევე გაიხსენა ევროკომისარ მარტა კოსის სიტყვები ამ საკითხზე: „საკონსტიტუციო სასამართლოში მიმდინარე საქმის მეშვეობით მთავარი ოპოზიციური პარტიების აკრძალვის მცდელობები ქვეყნის დემოკრატიის საფუძვლებს უქმნის საფრთხეს“.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან