პეტრიაშვილი: ახლა ჩაწერები გრძელდება და არის მწვანე შუქი ამის ატვირთაზე

2016-04-09 22:20:27, 452 ნახვა

პოლიტიკა

"ახლა ჩაწერები გრძელდება და არის მწვანე შუქი ამის ატვირთაზე" - ამის შესახებ "თავისუფალი დემოკრატების" წევრმა, ალექსი პეტრიაშვილმა "კურიერში" განაცხადა.

პეტრიაშვილის თქმით, დაკავებულ მაღალჩინოსნებს რაღაც გარკვეული შეხება აქვთ ვიდეოებთან, თუმცა, არ ჩანს ამტვირთავი და დამკვეთი.

ალექსი პეტრიაშვილი ფარული ჩანაწერების უკან ახლანდელ და წინა ხელისუფლებას თანაბრად დამნაშავეებად თვლის.

"ჩემთვის ეგენი თანაბარწილად დამნაშავეები არიან. ხელისუფლების უმაღლესმა პირებმა მაშინაც და ახლაც, არ ვგულისხმობ პრემიერმინისტრ კვირიკაშვილს, კარგად იცოდნენ და იციან, რომ მაშინ ჩაწერები ხდებოდა, მაგრამ არ იყო მწვანე შუქი ამის ატვირთავზე. ახლა ჩაწერები გრძელდება და არის მწვანე შუქი ამის ატვირთაზე იმიტომ, რომ მოდის წინასაარჩევნო პერიოდი," - განაცხადა ალექსი პეტრიაშვილმა.

პეტრიაშვილი აქვე აცხადებს, რომ მას არ აქვს "შოთაძის პროკურატურის იმედი".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან