ექიმ მაია კოხტაშვილს შეეფარდა საპატიმრო გირაო - 50 000 ლარი.

ექიმს მოქალაქის ბებიისთვის გამოწერილი რეცეპტის გამო ედავებიან.

მაია კოხტაშვილმა, დღეს თელავის სასამართლოში თქვა, რომ მასთან დასახმარებლად მამაკაცი მივიდა, რომელიც ექიმს არწმუნებდა, რომ ბებიის მკურნალობისთვის კონკრეტული წამალი სჭირდებოდა.

ადვოკატის მტკიცებით, ეს კაცი სინამდვილეში პროვოკატორი აღმოჩნდა.

როგორც სხდომიდან გახდა ცნობილი, პირი რომელიც ექიმთან დასახმარებლად მივიდა, ფინანსური პოლიციის თანამშრომელი, ბექა მარტყოფლიშვილია. 

ჟურნალისტი გელა მთივლიშვილის თქმით, ექიმი მაია კოხტაშვილი რუსთაველის პროტესტის აქტიური მონაწილის დედაა. 

"ახმეტაში დაკავებული ნევროლოგის, მაია კოხტაშვილის საქმეზე აგენტი-პროვოკატორია ბექა მარტყოფლიშვილი, ფინანსთა სამინისტროს საგამოძიებო სამსახურის კახეთის სამმართველოს თანამშრომელი!

ბებია ჰყავდა ვითომ ლოგინად ჩავარდნილი ახმეტიდან შორს მდებარე სოფელ ნაფარეულში, სამწვერა ნერვის ანთებით და მწვავე ტკივილებით, ვითომ ბებია - მაყვალა მარტყოფლიშვილი", - წერს მთივლიშვილი.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი