თბილისში, საკუთარ სახლში დააკავეს ოპოზიციონერი პოლიტიკოსი, „ნაციონალური მოძრაობის“ მთავრობის მაღალჩინოსანი, გიორგი ბარამიძე.

იგი „სამშობლოს ღალატის“ ბრალდებით დააპატიმრეს: „არ გრცხვენიათ“? - მიმართა მან სამართალდამცავებს დაკავებისას.

პროკურატურამ გიორგი ბარამიძის მიერ გადაცემა „საქართველოს დაბადებაში“ გაკეთებულ განცხადებაზე გამოძიება 7 აგვისტოს დაიწყო „სამშობლოს ღალატის“ მუხლით.

„ახლა მობრძანდნენ ბატონები და მითხრეს, რომ დაკავებული ვარ საქართველოს ღალატისთვის“, - ამბობს გიორგი ბარამიძე მისი მეუღლის ფეისბუკზე პირდაპირ ჩართვაში, სამართალდამცავების გარემოცვაში.

„არ გრცხვენიათ თქვენ, მაგას რომ მეუბნებით“? - მიმართა მან პროკურატურის წარმომადგენლებს.

„არა“, - უპასუხა ერთ-ერთმა. „ჩვენ ვიძიებთ საქმეს“.

რამდენიმე წუთში პოლიტიკოსს ხელბორკილები დაადეს, - იმის მიუხედავად, რომ წინააღმდეგობა არ გაუწევია, - და სახლიდან წაიყვანეს.

პროკურატურაში დაწყებულ გამოძიებას "ნაციონალურ მოძრაობაში" „ცილისმწამებლური და აბსურდული საქმე“ უწოდეს.

მათი შეფასებით, „ეს შეთითხნილი საქმე კიდევ ერთი დასტურია ამ რეჟიმის რუსული ბუნების“.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

100-ზე მეტი შეთავაზება საქართველოს ბანკისგან ახალი სასწავლო წლისთვის

ხატია დეკანოიძე ბარამიძის დაკავებაზე- ამ სიგიჟეში აცხოვრებს ხალხს ივანიშვილი

ზურაბ ჯაფარიძე: გიორგი ბარამიძის დაკავება რუსული, თავხედური ცინიზმია

კოალიცია ცვლილებისთვის- რეჟიმის ძალმომრეობა კრახისთვის არის განწირული, ვიბრძოლებთ მანამ, სანამ უკანასკნელი პოლიტიკური ტყვე არ დატოვებს საპყრობილეს