საქართველოს შინაგან საქმეთა სამინისტროს განცხადებით, აქტივისტ თორნიკე რაზმაძეს სოციალურ ქსელში ივანიშვილის პრემიერის, ირაკლი კობახიძის შეურაცხყოფას ედავებიან. 

"სიძულვილის ენის წინააღმდეგ ბრძოლის სამმართველოს თანამშრომლები ყოველდღიურ რეჟიმში მუშაობენ იმ სამართალდარღვევების გამოსავლენად, რომლებიც მოიცავს როგორც კონკრეტული პირის შეურაცხყოფას, ასევე, საჯარო სივრცეში ლანძღვა-გინებას.

აღნიშნულის ფარგლებში, გამოვლენილია მოქალაქე თორნიკე რაზმაძისა და ასევე, ანა ბდეიანის შეურაცხმყოფელი კომენტარები, რომელმაც სოციალურ ქსელში შეურაცხყოფა მიაყენა პრემიერმინისტრ ირაკლი კობახიძეს. მათ მიმართ ადმინისტრაციული სამართალწარმოება 166-ე და 173-ე მუხლების საფუძველზე მიმდინარეობს". - წერია შსს-ს განცხადებაში.

აქტივისტმა თორნიკე რაზმაძემ თქვა, რომ შსს მას facebook-ზე კრემლის პროპაგანდისტის, მარგარიტა სიმონიანის გინებას ედავება. რაზმაძე ამბობს, რომ სასამართლო პროცესი 29 სექტემბერს ჩაუნიშნეს.

"არ დაიჯერებთ, რის გამო აღმიძრეს საქმე და მიბარებენ სასამართლოში, რომ ან დამაპატიმრონ, ან უზარმაზარი ჯარიმა გამომიწერონ. უწყება დღეს მივიღე. საქართველოს შინაგან საქმეთა სამინისტრო მედავება იმას, რომ რუს პროპაგანდისტებს, მარგარიტა სიმონიანსა და ვლადიმირ სოლოვიოვს რატომ მიაყენე შეურაცხყოფა და რატომ აგინეო.

საქმე ეხება აგვისტოში გამოქვეყნებულ ვიდეოს, რომელშიც ვაჩვენებ, რუსი პროპაგანდისტები, მარგარიტა სიმონიანი და ვლადიმირ სოლოვიოვი თავიანთ ერთ-ერთ ეთერში როგორ ღლიცინებენ და საუბრობენ იმაზე, რომ როგორც ერეკლე II მოვიდა მუხლებზე ფორთხვით და შეგვეხვეწა, ჩვენი მფარველობის ქვეშ მიგვეღოო, ყოველთვის ასე მოვლენ სხვა ქართველებიც მომავალში და მუხლებზე დამდგარი შეგვეხვეწებიან, რომ ისევ მფარველობა გავუწიოთო - ამაზე ჩემი კომენტარი იყო "ნა კალენიახ" თქვენი დედაც-მეთქი. სასამართლო 29 სექტემბერს ჩაინიშნა". - ამბობს თორნიკე რაზმაძე.

საქმე ეხება 18 აგვისტოს თორნიკე რაზმაძის მიერ საკუთარ FB-გვერდზე გამოქვეყნებულ პოსტს, რომელშიც მას მარგარიტა სიმონიანისა და ირაკლი კობახიძის ვიდეოები აქვს გამოყენებული. ვიდეოში თორნიკე რაზმაძე ამბობს, რომ გეორგიევსკის ტრაქტატთან დაკავშირებით, კობახიძის მესიჯები სიმონიანის ნათქვამს ემთხვევა. ვიდეოში ერთ-ერთი გადაცემიდან ამოჭრილ მონაკვეთში სიმონიანი ამბობს ფრაზას „на коленях“ - პოსტის კომენტარებში კი თორნიკე რაზმაძე წერს შემდეგ ფრაზას: "ამათი დედას შევე*ი "ნა კალენიახ". სწორედ ამ კომენტარის გამო ედავება შსს აქტივისტს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე: ეს ოპოზიცია კი არა, უცხოური აგენტურაა

შსს: თბილისში არასრულწლოვანმა არასრულწლოვანი მოკლა

ფილარმონიიდან მეტროსადგურ რუსთველამდე საგზაო მონაკვეთი იხსნება - მერია

შსს: რაზმაძის მიმართ სამართალწარმოება კობახიძის შეურაცხყოფისთვის მიმდინარეობს