ლევან ხაბეიშვილი - სულაც არ გამიკვირდება, კობახიძემ სცადოს ბიძინას განეიტრალება

2026-09-02 18:08:30, 2011 ნახვა

პოლიტიკა

ღარიბაშვილმა დაადასტურა, რომ მარტო კორუფცია და ფულში ცურაობა კი არ არის „ქოცის“ სამარკო ნიშანი, არამედ მკვლელები არიან! , - ამის შესახებ „ნაციონალური მოძრაობის“ ერთ-ერთი ლიდერის, ლევან ხაბეიშვილის მიერ ციხიდან გამოგზავნილ წერილშია ნათქვამი, რომელიც სოციალურ ქსელში, მის პირად გვერდზე გამოქვეყნდა.

„ფარცხალაძე თავად ამხილეს მკვლელობის ორგანიზებაში, ახლა ღარიბაშვილი ამხელს კობახიძეს მკვლელობების დაგეგმვაში - უკეთეს შემთხვევაში, თვითმკვლელობამდე მიყვანას აბრალებს.

ასევე, ღარიბაშვილი ამხელს, რომ პროკურატურა და სასამართლო არ არსებობს! - არსებობს წერილები, შეთვლები და ასე წყდება „საქმეები“.

პროკურორ გვარაკიძეს, რომელიც მდინარაძის კადრია, მძიმე რეალობა აქვს - ან ღარიბაშვილის ნათქვამზე დაიწყებს გამოძიებას, ან არა და ფარცხალაძესავით გაიქცევა მოსკოვში, კომუნისტურ პარტიაში.

ამ მოკლე დროში, ან კობახიძემ უნდა დაასწროს და ივანიშვილზე საქმე აღძრას, როგორც მთავარ დირიჟორზე, ან ივანიშვილი უახლოვდება და კობახიძე-მდინარაძეზე ერთი ჩვენების მიმცემი უკვე არსებობს.

სულაც არ გამიკვირდება, კობახიძემ რომ სცადოს ბიძინას განეიტრალება.

ღარიბაშვილმა კი დაადასტურა, რომ მარტო კორუფცია და ფულში ცურაობა კი არ არის ქოცის სამარკო ნიშანი, არამედ მკვლელები არიან! სისხლიანი, მკვლელი, კაცთმოძულე, ლეშიჭამია ხალხი ჰყავს ივანიშვილს თავმოყრილი ივანიშვილს!

პ.ს. არ დაგვავიწყდეს, რომ ამ მკვლელებს აფინანსებენ და მათთან ერთად ქვეყანას ძარცვავენ ივანიშვილის მთავარი მოკავშირეები - ვანო ჩხარტიშვილი, ძმები ფხაკაძეები, ენუქიძე, წულაიები, ჩიგოგიძე, ობოლაშვილი, ვიქტორ ჯაფარიძე, პაპაშვილები და ა.შ.

მთავარი კრიმინალური ბანდის მეთაურები, დამფინანსებლები ესენი არიან!“, - წერს ლევან ხაბეიშვილი.