„ამნესტი ინტერნეშენალმა“ მოუწოდა საქართველოს ხელისუფლებას, ძალით არ დააბრუნოს რუსეთის მოქალაქე დენის კულანინი სამშობლოში. „ამნესტი ინტერნეშენალის“ აღმოსავლეთ ევროპისა და ცენტრალური აზიის დირექტორის მოადგილემ, დენის კრივოშეევმა, სპეციალური განცხადება გაავრცელა რუსეთის მოქალაქის ირგვლივ არსებულ ვითარებასთან დაკავშირებით, რომელიც თბილისში გასამართლდა და მოგვიანებით პრეზიდენტმა შეიწყალა.

„დენის კულანინმა საჯაროდ გააპროტესტა რუსეთის ომი უკრაინის წინააღმდეგ და მხარდაჭერა გამოუცხადა ალექსეი ნავალნის - ორივე დანაშაული ისჯება თავისუფლების აღკვეთით რუსეთში. საქართველოს ხელისუფლებამ უნდა უზრუნველყოს, რომ ის არ იყოს დეპორტირებული რუსეთში, სადაც, ომის საწინააღმდეგო დისიდენტების მიმართ მკაცრი რეპრესიების ამჟამინდელ პირობებში, მას ემუქრება თვითნებური დევნისა და პატიმრობის, წამების ან სხვა არასათანადო მოპყრობის რეალური რისკი“.

„ამნესტი ინტერნეშენალი“ შეახსენებს, რომ საქართველო ვალდებულია დაიცვას არ-გაძევების პრინციპი, რომელიც კრძალავს ნებისმიერი პირის გადაცემას იმ ქვეყანაში, სადაც მას შეიძლება დაემუქროს ადამიანის უფლებების სერიოზული დარღვევის რეალური რისკი. თბილისმა ასევე უნდა უზრუნველყოს, რომ კულანინს შეეძლოს ეფექტურად მოითხოვოს საერთაშორისო დაცვა, მათ შორის ნებაყოფლობით გამგზავრება უსაფრთხო მესამე ქვეყანაში.

„საქართველოს ხელისუფლებამ ასევე უნდა უზრუნველყოს, რომ დენის კულანინს შეეძლოს ეფექტურად მოითხოვოს საერთაშორისო დაცვა, მათ შორის უსაფრთხო მესამე ქვეყანაში ნებაყოფლობით გამგზავრება“, - ხაზგასმით აღნიშნა დენის კრივოშეევმა.

კულანინი 2025 წლის 28 მარტს, შსს-ს მანქანის დაზიანების ბრალდებით დააკავეს და ორწლიანი პატიმრობა მიუსაჯეს. 28 აგვისტოს, პრეზიდენტმა მიხეილ ყაველაშვილმა 226 პატიმარი შეიწყალა და ყველა გაათავისუფლა, რუსეთის მოქალაქის გარდა. თბილისის საქალაქო სასამართლოს გადაწყვეტილებით, იგი დეპორტაციის პროცედურის დასრულებამდე მიგრაციის სამსახურის დროებითი განთავსების ცენტრში გადაიყვანეს.

1 სექტემბერს, კულანინი ნებაყოფლობით უნდა დაეტოვებინა საქართველო სომხეთში, მას შემდეგ, რაც მისმა ადვოკატებმა სასამართლოსა და დროებითი განთავსების ცენტრს წარუდგინეს მისი თვითმფრინავის ბილეთი, პასპორტი და ჩასხდომის ბარათი. თუმცა, როგორც Amnesty International აღნიშნავს, სასამართლოს გადაწყვეტილებამ „მას წაართვა საქართველოდან სომხეთში ნებაყოფლობით გამგზავრების შესაძლებლობა და გააჩინა შიში, რომ ხელისუფლება მის რუსეთისთვის გადაცემას გეგმავდა“.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა