2026-09-02 12:52:46, 1099 ნახვა
სამართალი
ელიზბარაშვილის ადვოკატის მიმართ შესაძლო ძალადობის ფაქტზე გამოძიება დაიწყო
პროკურატურამ თამაზ ელიზბარაშვილის ადვოკატ ია სირანაშვილის მიმართ შსს-ს თანამშრომლების მხრიდან შესაძლო ძალადობის ფაქტზე გამოძიება დაიწყო.
უწყების ცნობით, გამოძიება სამსახურებრივი უფლებამოსილების ძალადობით გადამეტების მუხლით მიმდინარეობს.
სირანაშვილის განცხადებით, ელიზბარაშვილის საცხოვრებელში ჩხრეკისას სამართალდამცველებმა მას ფიზიკური შეურაცხყოფა მიაყენეს. მისი თქმით, პოლიციელებმა ძირს დააგდეს და წიხლებით სცემეს.
ელიზბარაშვილი გუშინ, 1 სექტემბერს, საკუთარ ბინაში ჩხრეკის დროს ადმინისტრაციული წესით დააკავეს. მანამდე სამართალდამცველებმა მისი ავტომობილიც გაჩხრიკეს.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
