საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროექტ „მოხალისე ტრენერები დანაშაულის პრევენციისთვის“ ფარგლებში გორის იუსტიციის სახლში ტრენინგი ჩაატარა.

ცენტრის ინფორმაციით, შეხვედრის თემა იყო - „ჯანდაცვა და ადამიანის უფლებები საქართველოში“, რომელსაც ადგილობრივი სკოლების 20 მოსწავლე დაესწრო.  ტრენინგი პროექტ „მოხალისე ტრენერები დანაშაულის პრევენციისთვის“ ტრენერმა, ნინო ბაზიკოშივლმა ჩაატარა. მონაწილეებს მიეწოდათ ინფორმაცია ჯანდაცვის კანონმდებლობაში არსებული უფლებებისა და მათი პრაქტიკაში რეალიზების შესახებ. 

ტრენინგში გამოყენებული იყო საქართველოს კანონმდებლობა და ევროპული ქარტიის მნიშვნელოვანი ნორმები. მონაწილეებმა ერთობლივად განიხილეს ისეთი მნიშნველოვანი საკითხები, როგორიცაა -  ჯანმრთელობის ცნება, ინფორმაციის მიღების უფლება, მეორე აზრის მოძიების უფლება, პირადი ცხოვრების ხელშეუხებლობისა და კონფიდენციალურობის უფლება, სამედიცინო პერსონალისა და სამედიცინო დაწესებულების არჩევის უფლება, დისკრიმინაციის აკრძალვა, ხარისხიანი  და უსაფრთხო სამედიცინო მომსახურების მიღების უფლება,  უფლებების დარღვევა, დარღვეული უფლების აღდგენა. შეხვედრის ფარგლებში მონაწილეებმა მიიღეს პრაქტიკული რჩევები ჯანდაცვის სფეროში უფლებების რეალიზების კუთხით.

დასასრულს, უფლების დაცვის სამართლებრივი საშუალებების შესახებ დისკუსია გაიმართა. იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამები საქართველოს 15 ქალაქში მიმდინარეობს და მათი მთავარი მიზანია არასრულწლოვნებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია და მოხალისეობრივი კულტურის დანერგვა. პროგრამებში 14-დან 18 წლამდე ასაკის მოზარდები მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს

ბრიუსელში, ევროკომისია წარადგენს ,2026 წლის გაფართოების პაკეტს- პაკეტი მოიცავს გაფართოების შესახებ კომუნიკაციასა და ანგარიშებს

კახა კალაძე - რაც არ უნდა ცილისწამება, სიბინძურეები ააგოროთ და ეცადოთ, რა თქმა უნდა, ცხოველთა თავშესაფარს ვერ დააზიანებთ

კალაძე: ბერა ივანიშვილის მიერ ცილისწამების წინააღმდეგ სასამართლოში სარჩელის შეტანას მივესალმები, რადგან სიცრუე უნდა დამთავრდეს