ჩვეულებრივი ტურისტული სეზონი მიმდინარეობს და არა მხოლოდ ერთი საზღვრიდან, არამედ საქართველოს ყველა საზღვრიდან, სახმელეთო იქნება თუ საჰაერო. განსაკუთრებული არაფერი ხდება და სტატისტიკაც ამაზე მიუთითებს – ერთი და მეორე მხრიდან ჩვეულებრივი კვეთა მიმდინარეობს, – ამის შესახებ ივანიშვილის რეჟიმის წარმომადგენელმა ლევან მახაშვილმა რუსეთის მოქალაქეთა მიერ საზღვრის კვეთასთან დაკავშირებით განაცხადა.

მახაშვილის თქმით, ტურისტულ სეზონზე ყველა საზღვარი დატვირთულ რეჟიმში ფუნქციონირებს და შემომსვლელთა რაოდენობა გამსვლელების რაოდენობაზე ნაკლებია.

„სჯობს, ამ ვაი პოლიტიკოსებმა საკუთარი თავი დაისაქმონ და საკუთარ ბელადებს შეხედონ, 2008 წლის ომიდან რამდენიმე დღეში რას აკეთებდნენ, როცა რუსებს ფიანდაზებს უგებდნენ და საქართველოში ასე უძღვებოდნენ. სტატისტიკით განსაკუთრებული არაფერი ხდება, ტურისტულ სეზონზე ყველა საზღვარი დატვირთულ რეჟიმში ფუნქციონირებს. შემომსვლელების რაოდენობა გამსვლელების რაოდენობაზე ნაკლებია, განსაკუთრებული არაფერი ხდება. მათი პრეზიდენტი ლარსზე იდგა და შემომსვლელ მანქანებს ეხვეწებოდა, ოღონდ აქ შემოდით და ფული დახარჯეთ, მთელი საქართველო ფეხქვეშ დაგეგებით, გადაგყვებითო. ეს ყველაფერი რუსოფობიის კამპანიის გაგრძელებაა, რომლის მიზანია დაძაბულობის შემოტანა, სიძულვილის გაღვივება. ეს არის დაპირისპირებისკენ მიმავალი გზა. ეს ადამიანები ვაი პოლიტიკოსები არიან, რადგან საზოგადოებაში, რთულ რეგიონში ერებს შორის დაპირისპირებას აღვივებენ. 2008 წლის ომი მათი ომი არ იყო? რუსეთი მაინცდამაინც უკრაინაში უნდა შევარდნილიყო, რომ პატრიოტული განწყობა გაღვივებოდათ? ეს ყველაფერი ხელოვნური და ყალბი პოლიტიკური აქტივობაა, რომლის მიზანია, ანტირუსულ ემოციებს მოერგონ. რასაც ვხედავთ, პოლიტიკურ მოდას აყოლილი პოლიტიკოსების აქტივობაა“, – აღნიშნა მახაშვილმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ვინ იყო დოლი პარტონი, ბიოგრაფია და ცნობილი ადამიანების გამოხმაურებები

მსოფლიოში უდიდესმა კონტეინერმზიდმა კომპანიამ რუსეთის შავი ზღვის პორტები დატოვა - Bloomberg

Bloomberg: პუტინი უკრაინაში ესკალაციისთვის ემზადება და შესაძლოა, ტაქტიკურ ბირთვულ იარაღს მიმართოს

ლუკაშენკომ ჯარების მზადყოფნის მოულოდნელი შემოწმების შესახებ განაცხადა CIA-ს ხელმძღვანელის პუტინთან ვიზიტის პარალელურად