პარლამენტის ვიცე-სპიკერი, გია ვოლსკი ირაკლი ღარიბაშვილის განცხადებას "უბადრუკ წერილს" უწოდებს  - "ოცნების" წევრი ამბობს, რომ ამ შინაარსის წერილი პირადად ბიძინა ბიძინა ივანიშვილის დისკრედიტაციას ემსახურება.

ვოლსკისვე მტკიცებით, ირაკლი ღარიბაშვილი შეცდომაშია შეყვანილი. კითხვაზე, თუ ვინ შეიყვანა შეცდომაში ექს-პრემიერი, "ოცნების" წევრკი ამბობს, რომ დაზუსტებით არ იცის. 

აბსურდული თემაა წამოწეული. ისიც, რაც იკითხეთ, ოჯახის უსაფრთხოებასთან დაკავშირებით, ანუ აქ იკითხება ხაზგასმით მიზანი, რომ როგორმე დისკრედიტაცია მოხდეს სახელმწიფო სტრუქტურების და პირადად ბიძინა ბიძინა ივანიშვილის, სხვა აი ამ შინაარსში, ამ უბადრუკ წერილში, ვერაფერი ვერ ამოიკითხება. 

ჯერ ეს ერთი, ღარიბაშვილი არ ამბობს, რომ წერილი გამომიგზავნა. გამომიგზავნა ადვოკატის მეშვეობით მისი მოსაზრება ამ საკითხთან დაკავშირებით. ადვოკატი ამბობს, რომ მას ასეთი წერილი მისთვის არ გადაუცია - ე.ი. სხვა წყაროსგან მიიღო ეს მოსაზრება, რომელიც ფურცელზე გადაიტანეს.  გამოვრიცავ სრულად, არაკორექტული და არასერიოზულიც არის და არც ასეთი თავქარიანი უნდა იყოს ადამიანი, რომ ურეკოს ამასთან დაკავშირებით პარტიის ლიდერს და ჰკითოს, მართლა ხომ არ გაგიგზავნია ასეთი წერილი. რა დამატებითი დანაშაულის თავზე აღებაზეა საუბარი. დანაშაული არის ჩადენილი ძალიან მძიმე, შემარცხვენელი. დიდი იმედი მაქვს, რომ იგი შეცდომაშია შეყვანილი. ვინ შეიყვანა შეცდომაში არ ვიცი (კითვა - ოპოზიციამ შეიყვანა?) ეგ მე არ ვიცი, დაშვებას ვაკეთებ", - განაცხადა ვოლსკიმ. 

ცნობისთვის, ირაკლი ღარიბაშვილმა გუშინ სოციალურ ქსელში განცხადება გამოაქვეყნა და ბიძინა ივანიშვილს ღიად დაუპირისპირდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი