აჭარის მთავრობის თავმჯდომარე არჩილ ხაბაძე ამერიკის ეროვნული ომის კოლეჯის კურსანტებს შეხვდა. შეხვედრა გაცნობითი ხასიათის იყო.

აჭარის მთავრობის ადმინისტრაციის პრესსამსახურის ინფორმაციით, დელეგაცია საქართველოს „ამერიკის ეროვნული ომის კოლეჯის" ეროვნული უსაფრთხოების სტრატეგიის პრაქტიკული კურსის ფარგლებში სტუმრობს. მათივე ცნობით, ვიზიტის მიზანია ქვეყანაში და რეგიონში არსებული უსაფრთხო გარემოს და სოციალურ-პოლიტიკური მდგომარეობის გაცნობა და საქართველოს ხელისუფლების წარმომადგენლების, საერთაშორისო ორგანიზაციებისა და სამოქალაქო ჯგუფის წევრებისაგან შესაბამისი ინფორმაციის მიღება.

შეხვედრას აშშ-ს საზღვაო ძალების ატაშე ვიცე-პოლკოვნიკი იულიამ კონერიც ესწრებოდა. არჩილ ხაბაძემ სტუმრებს აჭარის ავტონომიური რესპუბლიკის პოლიტიკური მოწყობა, რეგიონში არსებული სოციალური, ეკონომიკური და კულტურული მდგომარეობა გააცნო. ესაუბრა ასევე რეგიონის ეკონომიკის განვითარებაში ტურიზმისა და სოფლის მეურნეობის როლზე. მეგობრულ გარემოში გამართული შეხვედრის ბოლოს ამერიკელ სტუმრებს საჩუქრად ქართული ღვინო გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს

ბრიუსელში, ევროკომისია წარადგენს ,2026 წლის გაფართოების პაკეტს- პაკეტი მოიცავს გაფართოების შესახებ კომუნიკაციასა და ანგარიშებს

კახა კალაძე - რაც არ უნდა ცილისწამება, სიბინძურეები ააგოროთ და ეცადოთ, რა თქმა უნდა, ცხოველთა თავშესაფარს ვერ დააზიანებთ

კალაძე: ბერა ივანიშვილის მიერ ცილისწამების წინააღმდეგ სასამართლოში სარჩელის შეტანას მივესალმები, რადგან სიცრუე უნდა დამთავრდეს