2026-08-05 20:18:33, 865 ნახვა
საზოგადოება
"საქართველოში იმყოფება კანონიერი საფუძვლის გარეშე" - შსს უნგრელი ჟურნალისტის დაკავებაზე
უწყების ცნობით, მიმდინარეობს უნგრელი ჟურნალისტის ლასლო რობერტ მეზეშის დაკავების პროცედურა.
შსს-ში ამბობენ, რომ "აღნიშნული პიროვნება საქართველოში იმყოფება კანონიერი საფუძვლის გარეშე და დარღვეული აქვს ქვეყანაში ყოფნის ვადები. აღნიშნულიდან გამომდინარე მიმდინარეობს პირის დაკავების პროცედურა "უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონის 64-ე მუხლის მე-2 პუნქტის "ბ" ქვეპუნქტის საფუძველზე."
ფაქტზე ინფორმაცია თავდაპირველად ადვოკატმა მარიკა არევაძემ გაავრცელა. იგი წერს, რომ ჟურნალისტი ქვეყანაში ლეგალურად იმყოფება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
