ჟურნალისტ და ტელეწამყვანს ვახო სანაიას 14 დღით პატიმრობა მიუსაჯეს. გადაწყვეტილება მოსამართლე ზვიად ცეკვავამ რამდენიმე წუთის წინ გამოცხადდა.  

საქმე Facebook-ზე გამოქვეყნებულ პოსტს ეხება, რომელშიც ვახო სანაია მოქალაქეებს შალვა პაპუაშვილის შეურაცხმყოფელი სიტყვებით მოხსენიებისგან თავის შეკავებისკენ მოუწოდებდა, თუმცა თავადაც ჩამოთვალა ეს სიტყვები.

პატიმრობას სანაიას მიმართ შსს ითხოვდა. 

სასამართლო სხდომას ტელეწამყვანი არ დასწრებია. ჟურნალისტი ამბობს, რომ ცირკში მონაწილეობის სურვილი არ ჰქონია. სანაია ასევე ამბობს, რომ მისთვის სულერთი იყო, რა გადაწყვეტილებას გამოაცხადებდა მოსამართლე. 

ჩემთვის არანაირი მნიშვნელობა არ აქვს, რა ე.წ. სასამართლო სხდომებს გამართავენ, საერთოდ არ მაინტყერესებს, წერონ და იკითხონ.მე მაინტერესებს ის, რომ მე დავწერ და წავიკითხავ იმას, რაც საჭიროდ მიმაჩნია - ეს იქნება ეთერში, ეს იქნება სოციალური ქსელები. სიტყვის თქმას ვერავინ აგვიკრძალავს. ასე რომ, ამ სქრინვა-სქროლვის სააგენტო თუ რაც ჰქვია, შეუძლია, გააგრძელოს თავისი ე.წ. მოღვაწეობა, სასამართლოს განიხილოს სხდომებზე იქ მიტანილი სქრინები, მე ვურჩევდი, რომ ხმამაღლა წაიკითხონ,ა სე უფრო საინტერესო იქნება. არანაირი მნიშვნელობა ჩემთვის არ აქვს, ჯარიმას დაწერს ე.წ. მოსამართლე, პატიმრობის გადაწყვეტილებას გამოცხადებინებენ თუ როგორც იქნება, - ამბობს ვახო სანაია.

მანამდე მოსამართლე ცეკვავამ გადაწყვეტილება ბადრი შუბლაძესთან დაკავშირებითაც გამოაცხადა. შუბლაძე 2 ათასი ლარით დააჯარიმეს. მას სოციალურ ქსელში ანდრია ჯაღმაიძისთვის შეურაცხყოფის მიყენებას ედავებოდნენ. 

"არ იქნება სამართალი, არ იქნება მშვიდობა!" - ამ სიტყვებიტ დატოვა მან სასამართლო. 

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ