„ნაციონალური მოძრაობის“ გენერალური მდივნის მოადგილის, ირაკლი ფავლენიშვილის განცხადებით, „ქართული ოცნების“ ხელისუფლება ზღუდავს იმ ადამიანებს, რომლებიც აძლევენ ხმას ოპოზიციურ პოლიტიკურ პარტიებს.

ფავლენიშვილს კითხვა დაუსვეს რამდენიმე ოპოზიციური პარტიის აკრძალვის შესახებ საკონსტიტუციო სარჩელთან დაკავშირებით.

ირაკლი ფავლენიშვილის განმარტებით, აქტიური საარჩევნო უფლების შეზღუდვა შეეხება ადამიანებს, რომელთა რაოდენობაც, ხელისუფლებისვე დათვლით, მილიონამდეა. ირაკლი ფავლენიშვილის განმარტებით, ასეთ შემთხვევაში, ქვეყანაში საბოლოოდ დაკანონდება ავტორიტარიზმი.

„საპარლამენტო არჩევნები კი არა, არანაირი არჩევნები არ არსებობს ამ ქვეყანაში, ვიდრე გვაქვს მიდგომები, რომ მილიონამდე ადამიანს შეიძლება, აუკრძალონ აქტიური საარჩევნო უფლება. პასიურ საარჩევნო უფლებას კი არ უზღუდავენ ამ ოთხი პარტიის წარმომადგენელს, არამედ ზღუდავენ იმ ადამიანებს, რომლებიც, მათივე დათვლით, არიან მილიონამდე, და როგორც წინა არჩევნებზე ჩანდა, აძლევენ ხმას ამ ოთხ პოლიტიკურ პარტიას. დემოკრატიის ნიშანწყალიც კი აღარ იქნება ამ ქვეყანაში, საბოლოოდ იქნება დაკანონებული ავტორიტარიზმი. ეს იქნება წითელი ხაზი, მათ შორის დასავლეთისთვის და არანაირ ლეგიტიმაციაზე საუბარი აღარ იქნება არცერთ საარჩევნო პროცესზე“, – განაცხადა ირაკლი ფავლენიშვილმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს