აშშ-ის პრეზიდენტის, დონალდ ტრამპის სახელით პრემიერ-მინისტრ ირაკლი კობახიძისადმი გაგზავნილი წერილი წმინდა ფორმალურია და ორ ქვეყანას შორის ურთიერთობების ნორმალიზებაზე არ მიუთითებს, განაცხადა საქართველოს მეხუთე პრეზიდენტმა, სალომე ზურაბიშვილმა. მან განაცხადა, რომ „ქართული ოცნების“ წარმომადგენლები დიპლომატიური პრაქტიკის არცოდნას ავლენენ, როდესაც ასეთ შეტყობინებას პოლიტიკურ სიგნალად განმარტავენ.

„ისინი რომ არ იყვნენ ასეთი უცოდინრები და გაუნათლებლები, იცოდნენ, რომ ყოველი ასეთი მილოცვისთვის, ვგულისხმობ 4 ივლისის მილოცვას, სადღაც დეპარტამენტის დონეზე მზადდება პასუხი და შემდეგ პრეზიდენტის სახელით გაიცემა. ეს სხვა არაფერია, თუ არა სტანდარტული პასუხი მილოცვის წერილზე. ასეთი წერილები ყოველთვის იგზავნება იმ ქვეყანაში, რომელიც აშშ-ს დამოუკიდებლობის დღეს ულოცავს...

მაინტერესებს, რატომ უხარიათ ასე ძალიან ეს რამდენიმე სიტყვა იმ ქვეყნისგან, რომელსაც თავად „ღრმა სახელმწიფოს“ უწოდებენ“, - თქვა ყოფილმა პრეზიდენტმა.

შეგახსენებთ, რომ საქართველოს მთავრობის პრესსამსახურმა გაავრცელა დონალდ ტრამპის სახელით გაგზავნილი წერილის ქართული თარგმანი ირაკლი კობახიძის მიერ აშშ-ის დამოუკიდებლობის 250 წლის იუბილესადმი მილოცვის საპასუხოდ.

წერილში აშშ-ის პრეზიდენტმა მადლობა გადაუხადა საქართველოს პრემიერ-მინისტრს მილოცვისთვის და აღნიშნა, რომ შეერთებული შტატები ამაყობს იმ პრინციპებით, რომლებიც მის ისტორიას მართავს და აფასებს იმ პარტნიორების მეგობრობას, რომლებიც ამ იდეალების მიმართ პატივისცემას იზიარებენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა