მსოფლიო ჩემპიონატის ნახევარფინალში ინგლისის დამარცხების შემდეგ, არგენტინის ნაკრების მცველმა ნიკოლას ოტამენდიმ და ნახევარმცველმა ჯოვანი ლო სელსომ მოედანზე “Los Malvinas son Argentinas” (“მალვინები არგენტინულია”) წარწერით ბანერი გაშალეს. წარწერა ამბობს, რომ ფოლკლენდის კუნძულები (ესპანურად - ლას მალვინას), რომელიც ბრიტანეთის ზღვისიქითა ტერიტორიაა, არგენტინას ეკუთვნის. კუნძულები ატლანტის ოკეანეში, არგენტინის სანაპიროდან 483 კმ-ში მდებარეობს. 

გაერთიანებული სამეფოს მოწოდების შემდეგ, FIFA-მ ბანერის პოლიტიკური შინაარსის ჩემპიონატთან შეუსაბამობის გარშემო დისკუსია დაიწყო. შემთხვევას არგენტინის შესაძლო დაჯარიმება მოჰყვება. 

FIFA-ს სპიკერმა განაცხადა, რომ შემთხვევის განხილვა, სტანდარტული პროცედურის მიხედვით მიმდინარეობს. FIFA-ს დისციპლინარული კომიტეტი განიხილავს მატჩის მოვლენებს და შესაბამის გარემოებებს, რომ შედეგად, FIFA-ს დისციპლინარული კოდექსის მიხედვით გადაწყდეს სამომავლო ნაბიჯები. 

არგენტინული ფეხბურთის ასოციაცია 2014 წელს, იგივე მიზეზის გამო, £20,000-ით დაჯარიმდა, როდესაც არგენტინელმა მოთამაშეებმა იმავე შინაარსის ბანერი გაშალეს სლოვენიასთან მეგობრული მატჩის დაწყებამდე. 

ცნობისათვის, ფოლკლენდის კუნძულები 1833 წლიდან დიდი ბრიტანეთის ადმინისტრაციის ქვეშაა. 1982 წლის აპრილში, არგენტინული და ბრიტანული საზღვაო ძალები ერთმანეთს ფოლკლენდის ომში დაუპირისპირდნენ. 74 დღიანი დაპირისპირება, რომლის დროსაც 655 არგენტინელი და 255 ბრიტანელი სამხედრო დაიღუპა, ბრიტანეთის გამარჯვებით დასრულდა. 

აღსანიშნავია ისიც, რომ 2013 წლის რეფერენდუმით, რომელშიც კუნძულის მცხოვრებლების 92% მიიღო მონაწილეობა, 99.8%-მა აირჩია რომ კუნძულების ბრიტანეთის ზღვისიქითა ტერიტორიის სტატუსი შეენარჩუნებინა. 

არგენტინის გამარჯვების შემდეგ, არგენტინის ვიცე პრეზიდენტმა და ფოლკლენდის ომის ვეტერანის შვილმა, ვიქტორია ვილიარუელმა სოციალურ ქსელ X-ზე დაწერა: “ფოლკლენდის კუნძულები არგენტინულია! აკრძალეს მათი სტადიონზე მიტანა, მაგრამ დაავიწყდათ, რომ მათ ჩვენს სისხლში და გულებში ვატარებთ”.

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი