BNS-ის მიერ ოთხშაბათს გამოქვეყნებულ ინტერვიუში, ლიეტუვას პრეზიდენტმა გიტანას ნაუსედამ დაადასტურა სხვადასხვა უცხოური მედია წყაროების ცნობები ბალტიისპირეთის ქვეყნებში რუსეთის შესაძლო თავდასხმის შესახებ. 

„ჩვენ მივიღეთ სიგნალები ჩვენი სადაზვერვო სამსახურებიდან“, - განაცხადა ნაუსედამ, - “ინფორმაცია არ ასახელებს კონკრეტულ ადგილს ან დროს, რადგან ამის დადგენა უბრალოდ შეუძლებელია. ჩვენ შესაძლოა ვიცოდეთ მხოლოდ დაგეგმვის ფაქტის ან განზრახული მიზნის შესახებ.“

პრეზიდენტის განცხადებით, მოსკოვი კინეტიკურ ოპერაციებს გეგმავს, რომელიც რეგიონის კრიტიკული ინფრასტრუქტურისკენ იქნება მიმართული. ნაუსედას თქმით, ხელისუფლება ემზადება შესაძლო თავდასხმების ფართო სპექტრისთვის, რამაც შეიძლება შეაფერხოს საკვანძო ინფრასტრუქტურის მუშაობა.

„ნებისმიერი რამ მნიშვნელოვანია, რასაც შეუძლია შეაჩეროს ამ ობიექტების ფუნქციონირება. მათ აქვთ მნიშვნელობა არა მხოლოდ თავისთავად, არამედ იმიტომაც, რომ ისინი უზრუნველყოფენ მთელი სისტემის ფუნქციონირებას, განსაკუთრებით კი ჩვენს სინქრონიზაციას კონტინენტური ევროპის ელექტროქსელთან,“ - თქვა ნაუსედამ.

მიმდინარე თვის დასაწყისში, პოლონეთმაც განაცხადა, რომ დასავლური სადაზვერვო სააგენტოები საუბრობენ თავიანთი ტერიტორიისა და ბალტიისპირეთი ქვეყნების წინააღმდეგ რუსული თავდასხმების საფრთხის შესახებ.

ლიეტუვამ, რომელსაც სახმელეთო საზღვრები აქვს რუსეთის ექსკლავ კალინინგრადთან და მოსკოვის მოკავშირე ბელარუსთან, 2022 წელს უკრაინაში რუსეთის შეჭრის შემდეგ თავდაცვის ხარჯები გაასამმაგა.

ავტორი: ექსპრესნიუსი,

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა