პრესის საერთაშორისო ინსტიტუტი (IPI) შეშფოთებას გამოხატავს ტელეკომპანია ფორმულას მიმართ მზარდი მარეგულირებელი და სამართლებრივი ზეწოლის გამო, რაც ინსტიტუტისვე შეფასებით, თავდასხმის კიდევ ერთი მაგალითია.

ორგანიზაციის ეს განცხადება სასამართლოს გადაწყვეტილებას მოჰყვა, რომლის თანახმადაც, გოგა ხაინდრავას სარჩელი დაკმაყოფილდა და ფორმულა მისთვის "მორალური ზიანის მიყენების გამო" 10 000 ლარით დააჯარიმეს.

IPI-ს განცხადებაში ვკითხულობთ, რომ "რუსეთისადმი მეგობრულად განწყობილი ქართული ოცნების ხელისუფლება მედიის მიმართ მტრულ დამოკიდებულებას ზრდის", ამასთან, მოუწოდებს საერთაშორისო საზოგადოებას, სასწრაფოდ მიიღოს ზომები, რათა საქართველოში მედიის თავისუფლების ის ნაწილი მაინც იყოს დაცული, რაც ჯერ კიდევ შემორჩენილია.

განცხადებაში ნახსენებია ისიც, რომ ტერმინების გამო კომუნიკაციების კომისიამ 25 ივნისს ტელეკომპანია პირველი, მანამდე კი, ფორმულა დააჯარიმა. 

IPI წერს, რომ 2025 წელს მაუწყებლობის კანონში შეტანილი ცვლილებების შედეგად, კომუნიკაციების ეროვნულ კომისიას მიენიჭა უფლებამოსილება, გააკონტროლოს მიუკერძოებლობის, სიზუსტის, სამართლიანობისა და პირადი ცხოვრების დაცვის სტანდარტები, რომლებიც მანამდე ჟურნალისტური თვითრეგულირების სფეროს მიეკუთვნებოდა. ორგანიზაციის შეფასებით, განმეორებითი დარღვევის შემთხვევაში კომისიას მაუწყებლის ლიცენზიის გაუქმების პროცედურის დაწყებაც შეუძლია.

ამასთან, ორგანიზაცია შეშფოთებას გამოთქვამს ფორმულას წინააღმდეგ დაწყებული "ცრუ დასმენის" მუხლით სისხლის სამართლის გამოძიების გამო. ორგანიზაცია მოითხოვს, შეწყდეს გამოძიება, დაცული იყოს ჟურნალისტური წყაროების კონფიდენციალურობა და ხელისუფლებამ თავი შეიკავოს მედიის მიმართ დისკრიმინაციული ან არაპროპორციული სანქციების გამოყენებისგან.

ავტორი: ექსპრესნიუსი,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა