ინდოეთში ირანის უზენაესი ლიდერის წარმომადგენელმა, აიათოლა ჰაკიმ ელაჰიმ განაცხადა, რომ ირანის ახალი უზენაესი ლიდერი მოჯთაბა ხამენეი მამის დაკრძალვას, სავარაუდოდ, ვერ დაესწრება.

მან გადაწყვეტილება უსაფრთხოებასთან დაკავშირებული მიზეზებით ახსნა. 

აღსანიშნავია, რომ ირანის ახალი უზენაესი ლიდერი თანამდებობის დაკავების შემდეგ საჯაროდ არ გამოჩენილა. New York Times წერდა, რომ მოჯთაბა ხამენეი აშშ-სა და ისრაელის იერიშების შედეგად მიღებულ ჭრილობებს კვლავ მკურნალობდა და სახეზე მიყენებული დაზიანებების გამო, რომლებმაც მის საუბრის უნარზეც იმოქმედა, ვიდეო ან ხმოვანი მასალების ჩაწერისგან თავს იკავებს.

აღსანიშნავია, რომ ირანში, აიათოლა ალი ხამენეის დაკრძალვაზე ქართული ოცნების პრეზიდენტი მიხეილ ყაველაშვილიც მიდის. ეს ინფორმაცია ადმინისტრაციამ უკვე დაადასტურა. 

ამასთან, რუსეთში ირანის ელჩის განცხადებით, აიათოლა ალი ხამენეის დაკრძალვის ცერემონიას რუსეთის უშიშროების საბჭოს თავმჯდომარის მოადგილე, დიმიტრი მედვედევი დაესწრება.

ირანის საგარეო საქმეთა სამინისტროს სპიკერმა, ესმაეილ ბაღაეიმ სამშაბათს განაცხადა, რომ ევროპის ქვეყნების ლიდერებს არ ექნებათ „პატივი“ დაესწრონ ირანის მოკლული უზენაესი ლიდერის, აიათოლა ალი ხამენეის დაკრძალვის ცერემონიას, რადგან ისინი ომის დროს „ისტორიის სწორ მხარეს არ იდგნენ“.

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი