უკრაინის სამხედრო ძალებმა მოსკოვის რეგიონში მდებარე დუბნას კოსმოსური კომუნიკაციების ცენტრს მეორედ დაარტყეს, – ამის შესახებ უკრაინის პრეზიდენტი ვოლოდიმირ ზელენსკი აცხადებს.

მისივე თქმით, თავდასხმა განხორციელდა ობიექტზე, რომელიც უკრაინის საზღვრიდან 500 კილომეტრის მოშორებით მდებარეობს.

უკრაინის პრეზიდენტმა ასევე აღნიშნა, რომ დუბნას კოსმოსური კომუნიკაციების ცენტრი დაზვერვისა და უკრაინაში რუსეთის ძალების საქმიანობის კოორდინაციისთვის გამოიყენებოდა.

„დღეს ჩვენმა გრძელვადიანმა სანქციებმა კვლავ მიაღწია მოსკოვის ოლქში დუბნას კოსმოსური კომუნიკაციების ცენტრს. ეს არის სპეციალური სატელიტური კომუნიკაციის ობიექტი, რომელიც გამოიყენება, კერძოდ, დაზვერვისთვის და უკრაინაში რუსეთის საოკუპაციო კონტინგენტის საქმიანობის კოორდინაციისთვის. ჩვენი სახელმწიფო საზღვრიდან ამ ობიექტამდე 500 კილომეტრზე მეტია. ცოტა ხნის წინ უკრაინის თავდაცვის ძალებმა უკვე მიაღწიეს ოთხ ასეთ რუსულ ცენტრს არა მხოლოდ მოსკოვის, არამედ ვლადიმირის ოლქშიც. ეტაპობრივად ჩვენ ვახორციელებთ გრძელვადიანი სანქციების გეგმას და მაქსიმალურად ვურთულებთ აგრესორს ჩვენ წინააღმდეგ ოპერაციებს და ჩვენი ტერიტორიების ოკუპაციას. შესაბამისი ქმედებები ასევე მზადდება სხვა მსგავსი ობიექტების წინააღმდეგ. მადლობას ვუხდი ჩვენს მეომრებს სიზუსტისთვის. დიდება უკრაინას“, – წერს ვოლოდიმირ ზელენსკი.

ავტორი: ექსპრესნიუსი,

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია