შსს-ში მოშლილია ყველანაირი წესრიგი, გაჩენილია დაუსჯელობის შეგრძნება და სისტემა გამოიყენება, არა მოქალაქეების დაცვის, არამედ მათი დაშინების და დევნის ინსტრუმენტად - ამის შესახებ გახარიას გუნდის წარმომადგენელმა, გიორგი ჭანტურიამ ბრიფინგზე განაცხადა. 

თბილისში ავარიას კურიერი ემსხვერპლა, 
15 წლის მოზარდი, რომელსაც თბილისში ეძებდნენ, გარდაცვლილი იპოვეს,
ინდოელი სტუდენტი, რომელსაც რამდენიმე დღე ეძებდნენ, მტკვარში გარდაცვლილი იპოვეს,
თბილისში ავტოსაგზაო შემთხვევას ახალგაზრდა ემსხვერპლა,
ამ მომენტშიც მაშველები მტკვარში გადავარდნილ ავტომობილს ეძებენ,
სენაკში კაცმა სანადირო თოფიდან გასროლით ქალი მოკლა,
რუსთავში 2 ადამიანის ცხედარი იპოვეს,
ბოლნისში დედამ 7 წლის შვილი მოკლა,
გურიაში ახალგაზრდა მამაკაცი მოკლეს,
ბათუმში მამაკაცი, რომელიც ცოლ-შვილს ელოდებოდა, ცეცხლსასროლი იარაღიდან გასროლით მოკლეს,
ნარკოტიკების ზედოზირებისგან არაერთი ახალგაზრდა გარდაიცვალა.

ეს, სამწუხაროდ, მხოლოდ ბოლო 1 კვირის გახმაურებული ფაქტებია, რაც ზუსტად ვიცით და არ დაიმალა.
ქვეყანაში საგრძნობლად გაზრდილია ტრაგიკულად დასრულებული ავტოსაგზაო შემთხვევები, მკვლელობები - მათ შორის, დღისით, მზის შუქზე, სროლები ქუჩებში, ფემიციდი, დაჭრის ფაქტები და ნარკოტიკებით გარდაცვალების ფაქტები. 

ქვეყანაში ადამიანები თავს დაცულად ვეღარ გრძნობენ. 
ეს ყველაფერი ხდება იმიტომ, რომ დღეს შინაგან საქმეთა სამინისტროს პრიორიტეტი არა მოქალაქეებზე ზრუნვა, კრიმინალთან, ავტოსაგზაო შემთხვევებთან და  ნარკოტიკებთან ბრძოლა და პრევენციაა, არამედ ოცნების ვიწრო პარტიული ინტერესების დაცვა, ტროტუარზე მყოფი ადამიანების დაკავება, მშვიდობიანი მოქალაქეების ჯგუფურად ცემა-დაშინება და მოქალაქეების ფეისბუქზე კრიტიკული პოსტების სქროლვა-სქრინვა გახდა.
ამ ყველაფრის გამო, სამართალდამცავი სისტემა თავის ფუნქციას ვეღარ ასრულებს.

ფაქტია, რომ მარტის აქციების პერიოდში, როცა შინაგან საქმეთა სამინისტრომ იძალადა საქართველოს მშვიდობიან მოქალაქეებზე და შემდეგ ორდენებით დააჯილდოვა მოძალადეები, მას შემდეგ სამინისტროში მოშლილია ყველანაირი წესრიგი, გაჩენილია დაუსჯელობის შეგრძნება და სისტემა გამოიყენება, არა მოქალაქეების დაცვის, არამედ მათი დაშინების და დევნის ინსტრუმენტად.

მინდა მოვუწოდო მოქალაქეებს - ფაქტია, რომ დღეს დაცული ამ ქვეყანაში არავინაა. სამართალდამცავი სისტემები მოშლილია და მათი პრიორიტეტები აცდენილია, მათ რეალურ პასუხისმგებლობებს. ასეთ მძიმე ვითარებაში ვალდებულები ვართ, თითოეულმა ჩვენგანმა მეტი სიფრთხილე და თანადგომა გამოვიჩინოთ", - განაცხადა გიორგი ჭანტურიამ.  

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა