2016-04-03 17:40:10, 490 ნახვა
პოლიტიკა
გუბაზ სანიკიძე: „ეროვნული ფორუმის“ ყრილობამ ჩათვალა, რომ კოალიციამ თავისი ფუნქცია ამოწურა
დატოვებს თუ არა „ეროვნული ფორუმი“ უმრავლესობას-ამის შესახებ განცხადება პარტიის ცენტრალურ ოფისში ხვალ 12:00 საათზე გაკეთდება.
„ეროვნული ფორუმის“ ერთ-ერთი ლიდერის გუბაზ სანიკიძის განცხადებით, პარტიის ყრილობამ ჩათვალა, რომ კოალიციამ თავისი ფუნქცია ამოწურა.
„ამიტომ მივიღეთ გადაწყვეტილება, დავტოვოთ კოალიცია და არჩევნებში დამოუკიდებლად მივიღოთ მონაწილეობა“,-განაცხადა სანიკიძემ.
მისივე განმარტებით, თუ კი „ეროვნული ფორუმი“ უმრავლესობის დატოვების გადაწყვეტილებას მიიღებს, პარლამენტენტის ვიცე-სპიკერობიდან გადადგომის თაობაზე განცხადებას იმ დღესვე დაწერს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
