ტერორისტული აქტის ჩადენის მცდელობის ბრალდებით დაკავებულმა ოპოზიციონერმა პოლიტიკოსმა ალეკო ელისაშვილმა სასამართლო პროცესზე განცხადების გაკეთების უფლება ითხოვა, თუმცა მას ამის შესაძლებლობა არ მისცეს.

ელისაშვილმა სიტყვის თქმა მას შემდეგ მოითხოვა, რაც სასამართლოში ჩვენებმა მანდატურის სამსახურის თანამშრომელმა მისცა. 

"გვკბენდა ხელზე, მკლავზეც, ბეჭზეც. ეს იარა დღემდე მაქვს. საბოლოოდ, იარაღის წართმევა მოვახერხეთ, ნიღაბი მოვხსენით და ვიცანით, რომ ალეკო ელისაშვილი იყო.ხორცი მქონდა ამოგლეჯილი, ისე მქონდა ნაკბენი",  - თქვა თბილისის საქალაქო სასამართლოს მანდატურის თანამშრომელმა, გიორგი რიჟამაძემ. ის იმ სამი მანდატურიდან ერთ-ერთია, ვინც ალეკო ელისაშვილი სავარაუდო ფაქტის განხორციელების დროს, სასამართლოს კანცელარიის შენობაში დააკავა.

ელისაშვილმა სიტყვები მაშინ თქვა, როცა ის ესკორტის სამსახურის თანამშრომლებს სხდომათა დარბაზიდან გაჰყავდათ.

"სინანული არ მაძინებს ისე ვნანობ, მაგრამ გამოვასწორებ აუცილებლად. ბატონო [მოსამართლე], რამ შეგაშინათ ისე, რომ მეოთხე სხდომაა, სიტყვას არ მაძლევთ, მაგრამ ჩემს სიტყვას აუცილებლად ვიტყვი.

მდინარაძეს გადაეცით, ამის სინანული მაქვს საშინელი, რომ უფრო არ შემოვარტყი ყურის ძირში მაგ გარეწარს. ამ მანდატურ ბიჭს კიდევ უთხარით, უხერხულია ტყუილები. იარაღი ამოვიღე და დავდე არა ის",- თქვა ელისაშვილმა.

ცნობისთვის,  ალეკო ელისაშვილს ბრალდება საქართველოს სისხლის სამართლის კოდექსის 19-323-ე მუხლის პირველი ნაწილით წარედგინა, რაც ტერორისტული აქტის ჩადენის მცდელობას გულისხმობს. აღნიშნული ქმედება სასჯელის სახედ და ზომად 10-დან 15- წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

როიტერი: რუსეთმა და უკრაინამ პირადად გამოხატეს მზადყოფნა ტერიტორიული გაცვლისთვის

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია