შინაგან საქმეთა სამინისტრომ ბელარუსის საჯარო ადმინისტრირების სკოლის წარმომადგენლებს უმასპინძლა.

„ახალგაზრდა მენეჯერთა სკოლის“ (SYMPA) პროგრამის მონაწილეებს შს მინისტრის მოადგილე არჩილ თალაკვაძემ სამინისტროს საქმიანობის სფეროები, გატარებული რეფორმები და მიღწეული შედეგები გააცნო.

უწყების ინფორმაციით, სტუმრების განსაკუთრებული ინტერესი შინაგან საქმეთა სამინისტროს ოპერაციულმა მაჩვენებლებმა, პოლიციის მოდერნიზაციის მიზნით განხორციელებულმა რეფორმებმა და ოჯახში ძალადობის წინააღმდეგ მიმართულმა კამპანიამ გამოიწვია. მედიასთან და არასამთავრობო ორგანიზაციებთან თანამშრომლობაზე, ასევე, დანაშაულის პრევენციის მიმართულებით შინაგან საქმეთა სამინისტროს საქმიანობაზე დისკუსია გაიმართა.

პროგრამის ფარგლებში, ბელარუსი ახალგაზრდები გამოცდილების გაზიარების მიზნით სხვადასხვა სამთავრობო უწყებას, ასევე, მედიასა და არასამთავრობო ორგანიზაციებს ესტუმრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ