ქვეყანა წარმოადგინა მომღერალმა DARA-მ (დარიინა იოტოვამ) სიმღერით „Bangarang“. ბულგარეთმა 516 ქულა დააგროვა. ისრაელმა მეორე ადგილი დაიკავა.

ევროვიზიის 70-ე სიმღერის კონკურსის ფინალი დღეს ვენაში გაიმართა. 25 ქვეყანა მონაწილეობდა. ფინალის წინ ფინეთი ბუკმეკერებს შორის ფავორიტი იყო (მისი გამარჯვების შანსები 34-37%-ით იყო შეფასებული). ქვეყანას წარმოადგენდნენ ლინდა ლამპინიუსი და პიტ პარკკონენი. წელს ხუთმა ქვეყანამ - ირლანდიამ, ისლანდიამ, ნიდერლანდებმა, ესპანეთმა და სლოვენიამ - უარი თქვეს მონაწილეობაზე და წარმომადგენლები არ გაგზავნეს ვენაში. ეს ქმედება ისრაელის მონაწილეობის წინააღმდეგ იყო მიმართული. ვენაში ასევე გაიმართა ისტორიაში ყველაზე მასშტაბური საპროტესტო აქციები ისრაელის ევროვიზიაში მონაწილეობის წინააღმდეგ. ათასობით ადამიანი გამოვიდა ქუჩებში, რათა გამოეხატათ წინააღმდეგობა ისრაელის კონკურსში მონაწილეობის მიმართ.

ამავდროულად, ორგანიზატორმა, ევროპის მაუწყებელთა კავშირმა (EBU), არაერთხელ გაუსვა ხაზი, რომ სიმღერის კონკურსი აპოლიტიკურია. ისრაელის წარმომადგენლის, ნოამ ბეტანას გამოსვლის დროს, ქვეყნის დელეგაციის გვერდით დარბაზში პალესტინის დროშა გაშალეს.

რუსეთს ევროვიზიაში 2022 წლიდან არ მიუღია მონაწილეობა. ღონისძიების დაწყებამდე, კონკურსის დირექტორმა მარტინ გრინმა განაცხადა, რომ რუსეთის ევროვიზიაზე დაბრუნება ამჟამად არ განიხილება და „ასეთი გეგმები არ არსებობს“.

ავტორი: ექსპრესნიუსი,

სოციალური ქსელები

მიქანაძე : მშობელი თუ არ ჩააცმევს ბავშვს ფორმას, იქნება კონკრეტული მექანიზმები, რაც შეიძლება ამოქმედდეს

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო

ბოკუჩავა - დავრჩები პოლიტსაბჭოში რიგით წევრად

კირცხალია – ქალბატონების ჭიდილი უკვე ლამაზ სანახაობად გადაიქცა, ქალბატონი ნანას და ბრწყინვალე თინას ჭიდილი მიხეილ სააკაშვილის კარზე