ქართული ოცნების ვიცე-პრემიერი მამუკა მდინარაძე პოლიტპატიმრების შეწყალებასთან დაკავშირებით დასმული კითხვის პასუხად ამბობს, რომ ეს პრეზიდენტის დისკრეციული უფლებამოსილებაა და მას ამ საკითხზე "რეკომენდაციაც კი შეიძლება ეზედმეტოს".

 მამუკა მდინარაძეს მათ შორის საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის მიერ დღეს გაკეთებულ განცხადებაზე ჰკითხეს, რომლის თანახმადაც, დეკანოზმა თქვა, რომ პოლიტპატიმრების საკითხზე საპატრიარქო ქართულ ოცნებასთან კვლავ ისაუბრებს.

 მამუკა მდინარაძის თქმით, პოლიტპატიმრების გათავისუფლება არც მისი და არც ქართული ოცნების გუნდის განსასაზღვრი საკითხია.

 "მე არ მგონია, რომ განსაკუთრებით საინტერესო შეიძლება იყოს პირადად ჩემი პოზიცია. ეს არ არის ჩემი განსახილველი საკითხი. ჯერ ჩვენ ყველაფერს უნდა დავარქვათ თავისი სახელი - სულ რაღაც 5-6 წლის წინ ადამიანისთვის სინდისის პატიმარი რომ დაეძახათ, ეს უნდა ყოფილიყო მსოფლიოში ცნობილი განსაკუთრებული უკანონობის მსხვერპლი. დღეს ასე ხელაღებით ისე ვარქმევთ სახელებს - სინდისის პატიმარი, უკანონო პატიმარი, აქ უკვე საკამათო თემა შემოდის, საკამათო თემებში კი მერე გარკვეული უხერხულობები ჩნდება, მათ შორის კანონისმიერიც კი, არა მხოლოდ პირადი და გუნდის პოზიციის განმსაზღვრელი. ამიტომ, ამ პოზიციაზე თუ ჩამოვყალიბდით ხოლმე, მერე გადაწყვეტილებები უფრო გაიოლდება, ყოველთვის.

მე მგონია, რომ მკაფიოდ უნდა განვსაზღვროთ დამოკიდებულება იმის მიხედვით, როგორია მეორე მხრიდან დამოკიდებულება. პირობად მინდა არ მიიღოს არავინ, ეს არ არის ჩემი განსასაზღვრი, ან თუნდაც ქართული ოცნების გუნდის განსასაზღვრი საკითხი. სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს და ეს ბუნებრივი ამბავი იქნება და არ შეიძლება. კიდევ ერთხელ ვიმეორებ - 5-6 წლის წინ სინდისის პატიმარი რომ დაეძახათ მთელ მსოფლიოში, არა მარტო საქართველოში, ეს უნდა ყოფილიყო განსაკუთრებული უკანონობის მსხვერპლი. ჩვენ როგორ შეგვიძლია შევთანხმდეთ, ხომ არ შეიძლება ჩემი პოზიცია ის იყოს, რაც თქვენი? ჩემი პოზიცია სხვა არის, თქვენი პოზიცია სხვა არის.

აქედან გამომდინარე, ჩემი პოზიცია ბუნებრივია იქნება, რომ როდესაც ადამიანი ინანიებს ჩადენილ დანაშაულს და ა.შ. მაშინ კიდევ უფრო დამთმობი და ლმობიერია სახელმწიფო მის მიმართ, ამ შემთხვევაში, არ გამოდგება, იმიტომ რომ ანტაგონისტური აზრებია ჩემსა და თქვენს შორის", - თქვა მამუკა მდინარაძემ.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა