"გაზპრომი" ე.წ. სამხრეთ ოსეთის 200 სოფლის გაზიფიცირებას მოახდენს.
ამის შესახებ ე.წ. სამხრეთ ოსეთის დე ფაქტო პრეზიდენტმა ლეონიდ თიბილოვმა "გაზპრომის" ხელმძღვანელთან ალექსეი მილერთან შეხვედრის შემდეგ განაცხადა.
მისი თქმით, ოკუპირებული ტერიტორიის გაზით მომარაგება მარიონეტული მთავრობის ერთ-ერთ პრიორიტეტს წარმოადგენს.
"გაზპრომის" მიერ შემუშავებული სამხრეთ ოსეთის გაზიფიცირების გენერალური გეგმა საშუალებას მოგვცემს, მთელი რესპუბლიკა გაზით ვუზრუნველყოთ. ჩვენ დეტალურად შევიმუშავებთ ამ პროგრამის რეალიზაციის სქემებს", - განაცხადა თიბილოვმა.
მისივე თქმით, საჭიროა რუსეთიდან ცხინვალის რეგიონში კიდევ ერთი ოპტიკურ-ბოჭკოვანი ინტერნეტ-კაბელის გაყვანა, რაც ე.წ. სამხრეთ ოსეთში ინტერნეტის სიჩქარეს გაზრდის.
შეგახსენებთ, რომ თიბილოვი მოსკოვში გუშინ ჩავიდა. გუშინვე ის რუსეთის პრეზიდენტს ვლადიმერ პუტინს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს