„პოლონეთი ჩვენი მეგობარი ქვეყანაა და გულდასაწყვეტია, როდესაც ამ ტიპის ქმედებებს აქვს ადგილი“, -  ამის შესახებ დედაქალაქის მერმა კახა კალაძემ პოლონეთის საზოგადოებრივი მაუწყებლის მიერ ქართულენოვანი საინფორმაციო სამსახურის დაარსებაზე განაცხადა.

როგორც კალაძემ ჟურნალისტის შეკითხვის საპასუხოდ აღნიშნა, კიდევ უფრო გასაკვირია ის, რომ ეს ყველაფერი პოლონეთის ბიუჯეტიდან ფინანსდება.     

„გულდასაწყვეტია ამ ტიპის ქმედებები, პოლონეთი ჩვენი მეგობარი ქვეყანაა. კიდევ უფრო გასაკვირი იყო ის, რომ ეს ყველაფერი ბიუჯეტიდან ფინანსდება და მიმართულია იმისკენ, რომ სხვა ქვეყანაში, ამ შემთხვევაში საქართველოში, რომელიც არის პოლონეთის მეგობარი ქვეყანა, პირდაპირ შეტევა მიდის ქართულ ეკლესიაზე. შემჩნეულები არიან მტრულ საქმიანობაში,  ეს ყველაფერი გულდასაწყვეტია.

ალბათ, მოვისმენთ განმარტებას და გადაიდგმება შესაბამისი ნაბიჯი, რომ ყველაფერი იყოს დარეგულირებული“, - განაცხადა კახა კალაძემ.

ამასთან, მან ისაუბრა ბოლო წლებში საქართველოში განვითარებულ მოვლენებზე და აღნიშნა, რომ   შესაბამისი სამსახურები არიან მოწოდების სიმაღლეზე და არავის მიეცემა იმის შესაძლებლობა, რომ გარედან ჩარევითა და დაფინანსებით საქართველოში  სახელმწიფო გადატრიალება მოაწყონ.

„ზოგადად, მინდა გითხრათ, რომ  ის ყველაფერი, რასაც ბოლო წლების განმავლობაში საქართველოში ვხედავდით, იყო თავსმოხვეული გარე აქტორების  ჩართულობით, დაფინანსებით.  მათი მხარდაჭერით ხდებოდა  ქართველი ხალხის ერთმანეთთან დაპირისპირება, პოლარიზაციისა და შუღლის  გაღვივება. თუკი რაიმე  სიბინძურესთან იყო დაკავშირებული, რა თქმა უნდა, გარედან თავსმოხვეული და პირდაპირ დაფინანსებული იყო უცხოური ფონდების ან სახელმწიფოების მხრიდან. ამის არაერთი მაგალითი შეგვიძლია მოვიყვანოთ, იგივე თუნდაც რევოლუციისა და  სახელმწიფო გადატრიალების მოწყობის  მცდელობები და ა.შ.

ჩვენ, რა თქმა უნდა, ყველაფერს ვხედავთ, ვაკვირდებით, შესაბამისი სამსახურები არიან მოწოდების სიმაღლეზე და არავის მივცემთ იმის უფლებას და შესაძლებლობას, რომ გარედან ჩარევებითა და დაფინანსებით, საქართველოში მოაწყონ დაპირისპირება, სახელმწიფო გადატრიალება და რევოლუციები“, - განაცხადა თბილისის მერმა.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ