„ქართულმა ოცნებამ“ გადაწყვიტა იმ პოლიტიკური ძალების, ოპონენტების აკრძალვა, რომლებიც  წინააღმდეგობას უწევენ. საკონსტიტუციო სარჩელი და მისი გაფართოება ნიშნავს, რომ ქვეყანაში დემოკრატიული წესწყობილების გაუქმება მიმდინარეობს, – ამის შესახებ „ნაციონალური მოძრაობის“ წევრმა, ლაშა ფარულავამ განაცხადა.

ფარულავას თქმით, ქართველი ხალხის წინააღმდეგობაა ერთადერთი, რაც შედეგს მოიტანს.

„ერთადერთი, ვინც საქართველოში კონსტიტუციური გადატრიალება მოაწყო, „ქართული ოცნებაა“. კონსტიტუციის 78-ე მუხლი თავზე დაგვამხო. „ქართულმა ოცნებამ“ გადაწყვიტა იმ პოლიტიკური ძალების, ოპონენტების აკრძალვა, რომლებიც  წინააღმდეგობას უწევენ. საკონსტიტუციო სარჩელი და მისი გაფართოება ნიშნავს, რომ ქვეყანაში დემოკრატიული წესწყობილების გაუქმება მიმდინარეობს. ეს განცხადება ამის იურიდიულ გაფორმებას წარმოადგენს. არაერთხელ გვისაუბრია, რომ ქვეყანაში არანაირი მართლმსაჯულება, დამოუკიდებელი საკონსტიტუციო სასამართლო არ არსებობს. ერთადერთი ქართველი ხალხის წინააღმდეგობაა, რომელიც შედეგს მოიტანს და ამაზე უნდა ვიმუშაოთ. „ქართულმა ოცნებამ“ ყველანაირი წითელი ხაზი გადაკვეთა. აკრძალვის მიზეზი არა ალიანსი და რომელიმე პოლიტიკური პარტიაა, არამედ „ქართულ ოცნებას“ სურს, ქვეყანაში ოლიგარქიული, ნეომონარქიული მმართველობა გააფორმოს, ივანიშვილის ოჯახს მთელი ქვეყანა გაუფორმოს. ამას ემსახურება ეს ნაბიჯი. დემოკრატიული წესწყობილების ცვლილებას და, ფაქტობრივად, იურიდიულ გაფორმებას წარმოადგენს სარჩელი, რომელიც საკონსტიტუციო სასამართლოში შეიტანეს. სარჩელში თუ აქამდე ოთხი პარტია იყო, ახლა სხვა პარტიებიც დაემატება“, – განაცხადა ლაშა ფარულავამ.

რამდენიმე პარტიის აკრძალვის შესახებ საკონსტიტუციო სარჩელს პარტია „ფედერალისტებიც“ დაემატება. როგორც რეჟიმის წარმომადგენელმა შალვა პაპუაშვილმა აღნიშნა, შესაბამისი სარჩელით „ქართული ოცნება“ საკონსტიტუციო სასამართლოს დღეს მიმართავს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს