საქართველოს მეოთხე და მეხუთე პრეზიდენტებს სამებაში პანაშვიდზე დასწრების საშუალება არ მიეცათ - ეკა ბესელიას შეფასებით, ტაძარში მიმდინარე პროცესებმა ერთიანობის განცდა დაარღვია და სივრცე „ერთ პოლიტიკურ ჯგუფზე“ კონცენტრირებულად წარმოაჩინა. - უთხრა პოლიტიკოსმა "ტვ პირველს"

ის, რაც გარეთ ხდებოდა, ყველას გულწრფელი ცრემლი, სიყვარული და მადლიერება, შიგნით სადაც უწმინდესთან გამომშვიდობების წუთები იყო, რაღაცნაირად, თითქოს ჩაიკეტა ეს სივრცე მხოლოდ ერთი პოლიტიკური ჯგუფისთვის, რაც იმ მთლიანობას არღვევდა, რასაც ჰქვია სწორედ გაერთიანება და ერთად ყოფნა. გულდასაწყვეტი იყო, რომ ჩემს გვერდით იდგა გუშინ მთელი დღე საათების განმავლობაში პრეზიდენტი სალომე ზურაბიშვილი, რომელსაც ასევე არ მიეცა საშუალება ყოფნის შიგნით, პატრიარქთან დამშიდობების, რაც იქნებოდა გაცილებით მეტად საჩვენებელი ერთიანობის, თუკი იქ ჩვენ არ ვნახავდით ერთი პარტიული წარმომადგენლობის ფორმატს, მოდელს, - ამბობს ბესელია. 

საქართველოს მეხუთე პრეზიდენტმა კითხვაზე, ითხხოვა თუ არა საშვი, რათა სიონის ეკლესიაში პატრიარქის დაკრძალვას დასწრებოდა, ზურაბიშვილი ასე პასუხობს:  

ცხადია, რომ არ მქონდა არანაირი კომუნიკაცია, არანაირი საშვი. რომ მქონოდა ვიქნებოდი სადაც შესაძლებელი იქნებოდა, მაგრამ აქვე ვიყავი სიონის წინ და ამითაც ვარ ძალიან ბედნიერი, - თქვა სალომე ზურაბიშვილმა. 

საქართველოს მესამე პრეზიდენტის, პატიმრობაში მყოფი მიხეილ სააკაშვილის მიმართვის საპასუხოდ, რომელიც კათოლიკოს-პატრიარქის დაკრძალვაზე დასწრებას ითხოვს, პენიტენციური სამსახური "ექსპრესნიუსს" ეუბნება, რომ კოდექსში გაწერილი ნორმა „გამონაკლისს არ ცნობს“, შესაბამისად, მისი ეს თხოვნა ვერ დაკმაყოფილდება.

19 მარტს, მიხეილ სააკაშვილმა სოციალურ ქსელში პოსტი დაწერა. ის, როგორც პატრიარქის მეგობარი და მესამე პრეზიდენტი, ილია მეორის დაკრძალვაზე დასწრებას ითხოვს.

გუშინ სამების ტაძარში მივიდნენ „ქართული ოცნების“ ლიდერები. სიტყვები წარმოთქვეს რეჟიმის წარმომადგენლებმა ირაკლი კობახიძემ, შალვა პაპუაშვილმა. ვრცელი სიტყვა თქვა ოლიგარქმა ბიძინა ივანიშვილმა.

"ოცნების" ყველა წარმომადგენელი პატრიარქის სასახლესთან ახლოს, ოჯახებით, შვილებით იყვნენ წარმოდგენილი.

ავტორი: ექსპრესნიუსი,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ