2016-03-29 23:21:01, 1005 ნახვა
პოლიტიკა
ირაკლი შიხიაშვილის შემცვლელად კობა კობალაძე მოიაზრება
„ექსპრესნიუსისთვის“ ცნობილი გახდა, რომ ვეტერანების საქმეთა სახელმწიფო სამსახურის დირექტორის პოსტზე ირაკლი შიხიაშვილის შემცვლელად თბილისის საკრებულოს ავჭალის რაიონის მაჟორიტარი „ქართული ოცნებიდან“ კობა კობალაძე მოიაზრება.
ჩვენი ინფორმაცით, კობალაძემ მთავრობიდან შეთავაზება უკვე მიიღო. „
ექსპრესნიუსი“ თავად კობა კობალაძეს დაუკავშირდა, თუმცა მან სატელეფონო ზარს არ უპასუხა.
შეგახსენებთ, ვეტერანების საქმეთა სახელმწიფო სამსახურის დირექტორი ირაკლი შიხიაშვილი თანამდებობიდან გადადგა. როგორც შიხიაშვილის მიერ გავრცელებულ განცხადებაშია ნათქვამი, ის ტოვებს თანამდებობას და რიგით ვეტერანად რჩება.
შიხიაშვილის განმარტებით, მას სხვა თანამდებობის დაკავება შეთავაზეს, თუმცა შეთავაზებაზე უარი განაცხადა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
