ანა ნაცვლიშვილი ფარულ კადრებზე: საზოგადოება კვლავაც ინფორმაციულ ვაკუუმშია

2016-03-28 16:52:16, 384 ნახვა

პოლიტიკა

კამპანია "ეს შენ გეხება"-ს წევრები ფარული კადრების გავრცელებაზე დროულ გამოძიებას მოითხოვენ.

ისინი დღეს ფონდ „ღია საზოგადოება - საქართველოს“ ოფისში შეიკრიბნენ, სადაც პირადი ცხოვრების კადრების გავრცელების თემაზე იმსჯელეს.

როგორც ახალგარზდა იურისტთა ასოციაციის თავმჯდომარე ანა ნაცვლიშვილმა ჟურნალისტებს განუცხადა, პროკურატურის მხრიდან შესწავლის საგანი დეპუტატების -თამაზ მეჭიაურისა და დავით ლორთქიფანიძის განცხადებებიც უნდა გახდეს:

“ეს თემა, რა თქმა უნდა, ამ ადამიანებისთვის დამატებითი ინფორმაცია რატომ არის ცნობილი და საიდან შეიძლება ეს იყოს ცნობილი, უნდ გახდეს პროკურატურის მხრიდან შესწავლის საგანი, თუმცა მათთან, როგორც პარლამენტის წევრებთან, მიმართებაში, სხვა რეჟიმი მოქმედებს. საზოგადოება კვლავ არის ინფორმაციულ ვაკუუმში, როგორ მიმდინარეობს გამოძიება, არსებობს თუ არა რაიმე მნიშვნელოვანი პროგრესი და რა სტრატეგია და სამოქმედო გეგმა აქვს სახელმწიფოს“ - აღნიშნა ანა ნაცვლიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან