რუსული ჯარები სუმის ოლქის სასაზღვრო სოფელ გრაბოვსკეში შეიჭრნენ და 20 დეკემბრის ღამეს დაახლოებით 50 ადგილობრივი მცხოვრების ევაკუაცია მოახდინეს, რომლებმაც ადრე უარი თქვეს რუსეთის ტერიტორიაზე ევაკუაციაზე. ამის შესახებ სოფლის მერმა ლარისა კრემეზნამ „სუსპილნესთან“ ინტერვიუში განაცხადა. მისი თქმით, ევაკუირებულებს შორის ბავშვები არ იყვნენ.

მოქალაქეების იძულებით ევაკუაციაზე უკრაინის პარლამენტის ადამიანის უფლებათა კომისარმა, დმიტრო ლუბინეცმაც ისაუბრა. მან განაცხადა, რომ რუსი ჯარების ქმედებები საერთაშორისო ჰუმანიტარული სამართლის უხეშ დარღვევას წარმოადგენდა. ომბუდსმენმა ინციდენტი თავისუფლების უკანონო აღკვეთასა და მშვიდობიანი მოსახლეობის იძულებით დეპორტაციად შეაფასა. ლუბინეცმა აღნიშნა, რომ მან მიმართვები გაუგზავნა რუსეთის ადამიანის უფლებათა კომისარს ევაკუირებული უკრაინელების ბედის შესახებ ინფორმაციის მოთხოვნით და ასევე აცნობა წითელი ჯვრის საერთაშორისო კომიტეტს.

საზღვრის გადაკვეთა და მშვიდობიანი მოსახლეობის ევაკუაცია „უკრაინსკა პრავდასთან“ საუბარში დაადასტურა უკრაინის შეიარაღებული ძალების მთავარი კომუნიკაციების დირექტორატის ოფიცერმა, დმიტრო ლიხოვიიმ. მისი თქმით, რუსულმა დანაყოფებმა სახელმწიფო საზღვარი სოფელ გრაბივსკესთან დიდი რაოდენობით გადაკვეთეს და მტრის სწრაფი წინსვლის შედეგად, უკრაინის თავდაცვის ძალების დანაყოფებმა ამ ტერიტორიაზე არსებული რამდენიმე პოზიციიდან უკან დაიხიეს.

შეერთებული ძალების ჯგუფის პასუხისმგებლობის ქვეშ მყოფ სასაზღვრო ზონაში ამჟამად მიმდინარეობს სტაბილიზაციის ღონისძიებები, მიიღება ზომები მტრის პერსონალის იდენტიფიცირებისა და განადგურების მიზნით, ხოლო რუსი ჯარისკაცები ცეცხლის ქვეშ არიან, დასძინა ოფიცერმა. ლიხოვის თქმით, რუსეთში ევაკუირებული პირები ძირითადად ხანდაზმული მამაკაცები და ქალები იყვნენ.

ავტორი: ექსპრესნიუსი,

სოციალური ქსელები

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა