ეროვნული უშიშროებისა და თავდაცვის საბჭოს მდივანმა, რუსტემ უმეროვმა, იმედი გამოთქვა, რომ დღის ბოლომდე ამერიკული და უკრაინული მხარეები შეძლებენ იმ პოზიციებზე შეთანხმებას, რომლებიც „უკრაინას მშვიდობასთან დააახლოებს“.

მან ამის შესახებ თავის ოფიციალურ მიმართვაში დაწერა.

ეროვნული უშიშროებისა და თავდაცვის საბჭოს მდივნის თქმით, ბოლო ორი დღის განმავლობაში უკრაინულ-ამერიკულ მოლაპარაკებები კონსტრუქციული და პროდუქტიული იყო და „მიღწეულია რეალური პროგრესი“.

„ვიმედოვნებთ, რომ დღის ბოლომდე მივაღწევთ შეთანხმებას, რომელიც მშვიდობასთან დააახლოებს“, - აღნიშნა მან.

უმეროვმა ასევე აღნიშნა მედიაში გამოჩენილი „ხმაური და ანონიმური სპეკულაციები“.

„გთხოვთ, ნუ აჰყვებით ჭორებსა და პროვოკაციებს. ამერიკული გუნდი, სტივ ვიტკოფისა და ჯარედ კუშნერის ხელმძღვანელობით, უკიდურესად კონსტრუქციულად მუშაობს, რათა დაეხმაროს უკრაინას მდგრადი სამშვიდობო შეთანხმებისკენ მიმავალი გზის პოვნაში“, - ხაზგასმით აღნიშნა მან.

უმეროვმა ასევე დასძინა, რომ უკრაინული გუნდი „უკიდურესად მადლიერია პრეზიდენტ ტრამპისა და მისი გუნდის ყველა იმ ძალისხმევისთვის, რასაც ისინი აკეთებენ“.

AFP-მ ადრე გაავრცელა ინფორმაცია, რომ ბერლინში გამართული მოლაპარაკებების დროს ამერიკელმა მომლაპარაკებლებმა სტივ ვიტკოფმა და ჯარედ კუშნერმა უკრაინულ მხარეს ზეწოლა მოახდინეს, რათა დონბასის მის მიერ კონტროლირებადი ნაწილი დაეთმო.

ამის შემდეგ, საგარეო საქმეთა მინისტრის მოადგილემ სერგეი კისლიცამ მოუწოდა ანონიმური წყაროების მიმართ უნდობლობის გამოხატვისკენ მოლაპარაკებებში აშშ-ს პოზიციის მიმართ.

ავტორი: ექსპრესნიუსი,

სოციალური ქსელები

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა