ამერიკის შეერთებული შტატების ელჩი საქართველოში იან კელი აშშ-ს წარმომადგენელთა პალატაში საქართველოს ტერიტორიული მთლიანობის მხარდამჭერი რეზოლუციის პროექტის შესვლას გამოეხმაურა.

როგორც კელიმ ჟურნალისტებს განუცხადა, მისთვის დამაიმედებელია, რომ საქართველოს მხარდამჭერმა რეზოლუციის პროექტმა ორპარტიული მხარდაჭერა ჰპოვა.

„საქართველოში წარმოვადგენ ამერიკის პრეზიდენტის და შეერთებული შტატების აღმასრულებელ შტოს და ტექსტთან დაკავშირებით კონკრეტიკაზე ვერ ვისაუბრებ იმ რეზოლუციურ პროექტზე, რომელიც შესულია წარმომადგენლობით პალატაში, კონგრესში, თუმცა ჯერ არაა დამკტიცებული. ამავე დროს, ჩემთვის დამაიმედებელია, რომ საქართველოს მხარდამჭერი რეზოლუციის პროექტმა ორპარტიული მხარდაჭერა მოიპოვა. გასული კვირას საგარეო საქმეთა მინისტრი იმყოფებოდა ვაშინგტონში და ერთობლივი კონფერენციის დროს, აშშ-ის სახელმწიფო მდივანმა ერრთმნიშვნელოვნად დაადასტურა საქართველოს ტერიტორიული მთლიანობისა და დამოუკიდებლობის მხარდჭერა. მან ასევე ხაზი გაუსვა, თუ რაოდენ აუცილებელი და მნიშვნელოვანია რუსეთმა შეასრულოს ის ვალდებულებები, რომელიც 2008 წლის შეთანხმებით არის გათვალისწინებული“, - განაცხადა იან კელიმ.

ცნობისთვის, საქართველოს მეგობართა ჯგუფის თანათავმჯდომარეებმა - ტედ პომ და ჯერალდ კონოლიმ აშშ-ს წარმომადგენელთა პალატაში საქართველოს ტერიტორიული მთლიანობის მხარდაჭერის თაობაზე ორპარტიული რეზოლუციის პროექტი დაარეგისტრირეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა