იუსტიციის მინისტრმა თეა წულუკიანმა გერმანიის ფედერალური კრიმინალური სამსახურის პრეზიდენტი ჰოლგერ მიუნჰი მიიღო.  შეხვედრა იუსტიციის სამინისტროში გაიმართა და მას გერმანიის ელჩი საქართველოში ბეტინა კადენბახი და სსიპ „სახელმწიფო სერვისების განვითარების სააგენტოს“ ხელმძღვანელი გიორგი პატარიძე ესწრებოდნენ. 

მინისტრმა გერმანიის კრიმინალური სამსახურის დელეგაციის წევრებს იუსტიციის სამინისტროს ხელმძღვანელობით გატარებული რეფორმების შესახებ მიაწოდა ინფორმაცია. შეხვედრაზე განსახილველ თემებს შორის იყო დოკუმენტების უსაფრთხოება, მიგრაციის პოლიტიკა და სისხლის სამართლის რეფორმა. 

„გერმანიის ფედერალური კრიმინალური პოლიციის ხელმძღვანელისა და მისი დელეგაციის ვიზიტი, რა თქმა უნდა, უკავშირდება ჩვენს თანამშრომლობას  დანაშაულთან  ბრძოლის საქმეში, მაგრამ პირდაპირ კავშირშია, ასევე, საქართველოსთვის ვიზალიბერალიზაციის მინიჭების მომავალ გადაწყვეტილებასთან. ეს პროცესი, როგორც ვიცით, დაძრულია  და ევროკავშირის წევრ ქვეყნებსა და მათ ძალოვან სტრუქტურებში  უნდა  შეიქმნან ის განცდა, რომ საქართველოდან საზღვრების გახსნის შემთხვევაში ჩასული მოქალაქეები დაიცავენ იქაურ კანონს და  არ  შექმნიან დანაშაულის საფრთხეს. ამიტომაც ჩვენი თანამშრომლობა ორ ქვეყანას შორის უნდა გაათმაგდეს და მნიშვნელოვანია, ასევე, ის პრეცედენტები, რაც გერმანიაში არსებობს − და ამაზე ფართოდ ისაუბრა ჩვენმა სტუმარმა − რომ იქ ჩასული საქართველოს მოქალაქეები თავშესაფრის ძებნის საბაბით ჩადიან ძარცვის, ყაჩაღობის, ქურდობის დანაშაულს. ჩვენ ვთანამშრომლობთ მათთან  იმისთვის, რომ ასეთი მოქალაქეები  უკან დავიბრუნოთ და მათ სასჯელი მოიხადონ ქართულ ციხეში“, − განაცხადა თეა წულუკიანმა.    

მხარეებმა  იუსტიციის სახლის სერვისების შესახებაც ისაუბრეს. დელეგაცია 23 მარტს  იუსტიციის სახლსაც ესტუმრება.

„შეხვედრაზე აღინიშნა, რომ ბოლო ორი წლის თანამშრომლობა ქართულ ძალოვან სტრუქტურებსა და გერმანულ მხარეს შორის კარგი ტენდენციის მაჩვენებელია. ჩვენ შევთანხმდით, რომ − იქნება ეს  საბუთების თუ პირთა იდენტიფიკაციის და სამოქალაქო რეესტრის სხვა სერვისების კუთხით −  კიდევ უფრო აქტიური თანამშრომლობის ფაზაზე გადავალთ“, − აღნიშნა იუსტიციის მინისტრმა. 

გერმანიის ფედერალური კრიმინალური პოლიციის დელეგაციის ორდღიანი ვიზიტი  24 მარტს დასრულდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს