ხაზარაძემ და ჯაფარიძემ სახელმწიფო ინსტიტუტების მიმართ უპატივცემულობა გამოიჩინეს, დანაშაული ჩაიდინეს და სამართლიანად იხდიდნენ სასჯელს, – ამის შესახებ  ერთპარტიული პარლამენტის  საპროცედურო საკითხთა კომიტეტის თავმჯდომარე დავით მათიკაშვილმა განაცხადა.

მათიკაშვილის თქმით, საქართველოს პრეზიდენტი მიხეილ ყაველაშვილი ჯაფარიძის და ხაზარაძის შეწყალებით საკითხს სახელმწიფოებრივად მიუდგა.

„ქვეყნის პრეზიდენტი საკითხს სახელმწიფოებრივად მიუდგა იმ პოლიტიკური მდგენელის გათვალისწინებით, რაც არჩევნებს უკავშირდება. წინასაარჩევნო კამპანია მიმდინარეობს, არჩევნებიც ჩატარდება, მაგრამ იმისთვის, რომ თავიდან იყოს არიდებული ნებისმიერი სპეკულაცია და ნებისმიერ პროვოკაციას წერტილი დაესვას, პრეზიდენტმა გადაწყვეტილება მიიღო და ეს ორი დამნაშავე გამოუშვა. ამ უსუსტეს პოლიტიკურ ძალას იმის თავიც არ აქვს, ყველა ოლქში შესაბამისი კანდიდატი წარადგინოს, მაგრამ თუ ფიქრობენ, რომ რაიმე რესურსი აქვთ, შეუძლიათ, ნაბიჯები გადადგან. ამ რადიკალურ პოლიტიკურ ძალას წარმატების მიღწევისთვის არანაირი ნიადაგი არ აქვს. რაც შეეხება ბულინგს და ნეგატიურ დამოკიდებულებას, რადიკალების დღის წესრიგი იმდენად ნეგატიურია, ერთმანეთის მიმართ იმდენად დიდ უპატივცემულობას გამოხატავენ და ისეთი რღვევაა დაწყებული კოლექტიურ „ნაცმოძრაობაში“, რომ აქ გასაკვირი არაფერია. საკუთარ პარტიაშიც არ ერიდებიან ისეთ რეპლიკებს, რომელიც თვითონვე შეურაცხყოფს ხაზარაძესა და ჯაფარიძეს“, – განაცხადა მათიკაშვილმა.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ